Pieramožca «Jeŭrabačańnia» Alaksandr Rybak aściarožna vykazaŭsia pra padziei ŭ Biełarusi
Narodžany ŭ Biełarusi narviežski śpiavak, pieramožca «Jeŭrabačańnia-2009» Alaksandr Rybak u intervju šviedskamu publičnamu telekanału SVT uspomniŭ pra sustreču z Łukašenkam i paaściarohsia vykazvacca pra ciapierašnija padziei ŭ Biełarusi, piša «Radyjo Svaboda».
«Mianie prasili vykazacca pra heta, — raskazaŭ jon. — Ale lohka havaryć pra niešta takoje, pra što asabliva i nie viedaješ. Ja adčuvaju, što… Publičnaja asoba musiła b razabracca… Najlepiej było b razabracca ŭ situacyi i vykazać svoj punkt hledžańnia, i jak najbolš kanstruktyŭna. Dyk lepš pačakać i razabracca, a nie havaryć pra toje, čaho nie viedaješ … Kali ja baču, jak milicyjant u Miensku źbivaje demanstranta, to — moža, ja heta dziŭna ŭsprymaju - ja dumaju nie pra «palityku», a pra toje, što hetamu čałavieku nie miesca ŭ milicyi.
— Ale kali ty nie chočaš « adkryvać karty — -heta tamu, što ty baišsia, što nie zmožaš tudy pajechać?
- U mianie tam svajaki. Ja dumaju, što, moža, jany imknucca nie raspaviadać nam ab niekatorych rečach. Maje babula i dziadula vydatna razumiejuć, što ja artyst i čym bolš ja viedaju, tym bolš padstaŭlajusia.
Kamientary