Viva Braslav užo zaŭtra, a biełarusy kinulisia zdavać ci pierapradavać kvitki — u čym prykoł?
Kvitki na mierapryjemstva kaštavali ad 69 da 760 rubloŭ u zaležnaści ad abranaha pakieta.
Napiaredadni fiestyvalu Viva Braslav, jaki projdzie z 24 pa 26 lipienia, mnohija biełarusy pačali zdavać ci sprabavać pierapradać svaje kvitki. Z čym źviazanyja takija pavodziny?
Sioleta asnoŭnym chedłajnieram festu stanie Dzima Biłan. Taksama na scenie na Brasłaŭskich aziorach vystupiać inšyja rasijskija artysty: Mot, Vania Dźmitryjenka, «Komnata kultury», «Davaj na ty». Ź biełarusaŭ zajaŭleny śpiavak LYRIQ. Kvitki na mierapryjemstva niatannyja — ad 69 da 760 rubloŭ u zaležnaści ad abranaha pakieta.
Jakraz «sumnym łajnapam» mnohija tłumačać svajo niežadańnie ŭvohule pryjazdžać na fiestyval.
«Festy ŭ RB stracili svaju ekskluziŭnaść. Kamu cikava słuchać adnych i tych ža pa sto razoŭ?»;
«Artysty, jakija vystupajuć tam, užo sto razoŭ pryjazdžali ŭ Biełaruś. Pryvozy ŭ orhaŭ stali nijakija»;
«Niadaŭna maja znajomaja, jakaja žyvie ŭ Jeŭropie, vykładvała storyz z festu, dzie byli Moby i Gorillaz. Voś heta ja razumieju!»;
«Nie chadžu na rasijan».
Ale čamu ludzi pazbaŭlajucca ŭžo kuplenych kvitkoŭ, jany ž viedali, što brali?
Akazvajecca, ludzi spadziavalisia, što bližej da startu padziei ŭ łajnapie taki źjavicca niechta cikaviejšy. Ale kali hetaha nie adbyłosia, matyvacyja źnikła. Tym bolš, vialikuju prablemu skłała darahoŭla žytła ŭ rajonie festu. Niekatoryja i za vialikija hrošy nie zmahli źniać sabie miesca na načleh.
«Namiot dla mianie nie varyjant, a žytło pa adekvatnym košcie ja nie znajšła», — padzialiłasia adna ź biełarusak u Threads.
Častku ludziej adpudziŭ patencyjny doždž: na hety momant na piatnicu i subotu ŭ Brasłavie abiacajuć apadki. A ŭ inšych banalna źmianilisia płany ci žyćciovyja abstaviny — tak adbyvajecca z usimi fiestyvalami, kvitki na jakija nabyvajucca mocna zahadzia.
Niekatoryja navat pradajuć kvitki na «Kufary» z nacenkaj, kab krychu zarabić.
Pry hetym sami arhanizatary Viva Braslav nastrojenyja pazityŭna.
«My na pazityŭnym vajbiku praciahvajem mantaž i čakajem takich ža pazityŭnych u hości», — napisaŭ u svaich sacsietkach zasnavalnik festu Aleh Łabuć.
Raniej u intervju žurnalistam Łabuć raskazvaŭ, što na sioletnim fiestyvali naviednikaŭ čakajuć niekatoryja novaŭviadzieńni. Tak, upieršyniu budzie pracavać tak zvany cichi kiempinh, dzie z 23:00 da 8:00 buduć dziejničać praviły cišyni. Jašče adnoj navinkaj stanie asobnaja scena ŭ pałatkavym haradku.
Arhanizatary taksama abiacali pašyryć spartyŭnuju zonu, a dla achvotnych paznajomicca z rehijonam — padrychtavać ekskursijnyja prahramy pa Brasłaŭskim rajonie.
Ciapier čytajuć
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy7
«Mnie chacieli kampiensavać kala 10% ad koštu paharełaha». Jak biełaruskija pradaŭcy na Vajłdbieryz vyrašajuć vohniennyja prablemy
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było6
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW X7 ź niamieckimi numarami paškodzili aŭto ŭ Minsku4747
Kamientary
Koho oni ždali, Tiejłor Śvift? BTS?