«Стары чалавек падобны да старой машыны». Арцыбіскуп Тадэвуш Кандрусевіч расказаў, як пачуваецца пасля перанесенай хваробы
80‑гадовы іерарх распавёў пра свой стан пасля выпіскі з бальніцы. Відэазварот змешчаны на YouTube-канале ксяндза Аляксандра Уласа.
22 ліпеня Тадэвуш Кандрусевіч быў тэрмінова шпіталізаваны ў адзін са шпіталяў Мінска з прычыны дрэнных вынікаў даследавання сэрца. Аднак амаль два тыдні знаходжання там істотнага паляпшэння яго здароўя не прынеслі. Таму ён быў дастаўлены ў РНПЦ Кардыялогіі, дзе яму была праведзена аперацыя па стэнціраванні сценак крывяносных сасудаў.
«Я ўжо так кажу: стары чалавек падобны да старой машыны. Як марафет ні наводзь, усё роўна старая машына. Так і ў старога чалавека. То адна, то другая хвароба. Усё жыццё я ніколі не хварэў. Апошнія гады гэтыя хваробы адна за адной прыходзяць.
Ну і акурат пасля Гудагайскага фэсту, дзе я адчуваў сябе вельмі і вельмі добра, мне трэба было ісці на чарговы кантроль да лекараў. Прыйшоў тады, зрабілі электракардыяграму і адразу адправілі ў шпіталь. Пасля гэтага мне паставілі некалькі стэнтаў, пачысцілі адзін са стэнтаў старых», — расказаў Тадэвуш Кандрусевіч.
Сёння ён знаходзіцца на рэабілітацыі ў Аксакаўшчыне пад Мінскам.
«Адчуваю сябе добра, але і тады я адчуваў сябе добра, нічога не адчуваў, што ў мяне нешта баліць. Толькі лекарам гэта не падабалася, не падабалася мая кардыяграма. Так ці інакш, добра, што гэтую аперацыю зрабілі, бо лекары казалі, што гэта быў перадынфарктны стан. Хачу падзякаваць усім за малітвы, за ваш клопат пра мяне, за памяць. Няхай добры Бог благаславіць, спадзяюся на хуткае выздараўленне і спатканне ў касцёле, каля алтара, на малітве, на розных фэстах — там, дзе Бог дазволіць. Шчыры-шчыры дзякуй», — дадаў іерарх.
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»6
Каментары