У Ленінградскай вобласці Расіі пасля атакі дронаў загарэўся адзін з найбуйнейшых расійскіх НПЗ
Уночы 30 жніўня беспілотнікі атакавалі адное з найбуйнейшых нафтаперапрацоўчых прадпрыемстваў Расіі — завод «Кірышынафтаоргсінтэз» у горадзе Кірышы Ленінградскай вобласці.
Губернатар Ленінградскай вобласці Аляксандр Драздзенка наўпрост не пацвердзіў факт атак на НПЗ, але заявіў пра збіванне 42 БПЛА над рэгіёнам і загаранне ў прамысловай зоне Кірышаў.
«КІНЕФ» уваходзіць у структуру кампаніі «Сургутнафтагаз». Гэты завод з’яўляецца найбуйнейшым у Ленінградскай вобласці і адным з найбуйнейшых у Расіі. Ён можа перапрацоўваць каля 20 мільёнаў тон нафты на год. Летась там перапрацавалі 17,5 мільёна тон, што складае прыкладна 6,6% ад агульнага аб’ёму ў краіне. Прадпрыемства ўваходзіць у склад кампаніі «Сургутнафтагаз».
Таксама паведамляецца пра траплянне ў жылы дом у Кірышах, на даху якога быў абсталяваны агнявы пункт СПА.
Акрамя Ленінградскай вобласці, пад удар патрапіў горад Ейск (Краснадарскі край РФ), дзе беспілотнікі, паводле ўкраінскіх маніторынгавых каналаў, атакавалі вайсковы аэрадром і вайсковы гарадок.
Цяпер чытаюць
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара4
Каментары