Познім вечарам 29 жніўня ў выніку атакі расійскіх беспілотнікаў у Кіеве загарэўся 12‑павярховы жылы дом у Абалонскім раёне, паведамляе «Украінская праўда».
У 22:07 мэр Кіева Віталь Клічко паведаміў, што беспілотнік упаў на тэрыторыю паміж жылымі дамамі. Пазней стала вядома, што ў адным з 12‑павярховікаў узнік пажар з другога па пяты паверх. На месцы працуюць экстранныя службы.
Таксама моцны пажар узнік пасля ўдару дронамі па Труханавым востраве на Дняпры. Які менавіта аб'ект быў цэллю, пакуль невядома.
Гэта была не першая атака сталіцы за 29 жніўня. Днём расійскі беспілотнік трапіў у нежылы будынак у Падольскім раёне, а ў Абалонскім раёне ў выніку падзення дрона былі пашкоджаныя кавярні і загінула двухгадовая дзяўчынка. Таксама паведамлялася пра параненых.
Усяго колькасць пацярпелых у Кіеве пасля атак беспілотнікаў за дзень дасягнула васьмі чалавек. Акрамя таго, у горадзе адбылося паўторнае траплянне ў нежылы будынак, а ў Дняпроўскім раёне ўвечары загарэўся прыватны жылы дом пасля падзення абломкаў беспілотніка.
Паводле інфармацыі Паветраных сіл Украіны, на працягу 29 жніўня Расія атакавала Украіну 224 ударнымі беспілотнікамі, большасць з якіх накіроўвалася ў бок Кіева.
Каментары
Посольство назвало ситуацию в сфере безопасности на всей подконтрольной киевскому режиму территории «крайне нестабильной», и особо указало, что вскоре условия могут ещё более ухудшиться, причём «резко и внезапно».
В опубликованном там же перечне рекомендаций, американских граждан, находящихся в данный момент на Украине, предостерегли от участия в массовых мероприятиях, от нахождения в толпе, а также призвали без промедления реагировать на сигналы воздушной тревоги, на звуки громких взрывов и сразу же искать ближайшее убежище.