«Дзякуй, мотабраце!» Слуцкі матацыкліст дапамог салігорскай хуткай выйграць час для цяжкахворага
У Салігорску адбылася незвычайная сітуацыя. Фельчар хуткай дапамогі Уладзіслаў Невядомскі падзяліўся ў сацсетках гісторыяй пра тое, як неабыякавы байкер прыйшоў на дапамогу медыкам, піша esoligorsk.by.
Хуткая везла цяжкахворага пацыента. Траса ў той момант была загружаная — патокі аўтамабіляў рухаліся шчыльна, і машыне з мігалкамі было няпроста прасоўвацца наперад.
На дапамогу прыйшоў матацыкліст са Слуцка Ягор Касмач. Ён пачаў актыўна дапамагаць: жэстамі і манеўрамі даваў зразумець кіроўцам, што трэба вызваліць паласу для хуткай, тлумачачы, што вырашаецца пытанне пра нечае жыццё.
Дзякуючы ягонай дапамозе пацыента даставілі ў бальніцу хутчэй.
У сваім пасце фельчар выказаў матацыклісту шчырую ўдзячнасць: «Дзякуй табе вялікі, ты стаў часткай ратавання гэтага жыцця».
Пост хутка разляцеўся па сацсетках. Карыстальнікі актыўна адгукнуліся на гісторыю.
Большасць салігарчан сыходзяцца ў меркаванні, што такія ўчынкі заслугоўваюць павагі і нагадваюць усім кіроўцам пра важнасць увагі да машын экстранных службаў на дарозе.
Сам Ягор Касмач пазней расказаў выданню SlutskGorod, што ехаў спакойна і ўбачыў у люстэрках, як ззаду набліжаецца хуткая з уключанымі маячкамі:
«Яна была ад мяне за метраў 400—500. І я ўбачыў, што наперадзе едуць неадэкватныя, вось і паехаў крыху хутчэй за хуткую, каб палегчыць ёй праезд».
На аўташоу ў Лідзе ледзь не загінуў адзін з самых знакамітых каскадзёраў Беларусі — яго відэа сабралі амаль паўмільярда праглядаў. Што з ім цяпер?
Дзяўчына моцна апяклася падчас адпачынку, але хуткая да яе не паехала. Чаму?
«Ляжаў моцна пацярпелы чалавек». Падчас веламарафону на Палессі каля 10 чалавек атрымалі траўмы
Цяпер чытаюць
Віталь з-пад Вілейкі, які падпаліў хату з уласнымі дзецьмі, завербаваўся ў расійскае войска. І прапаў на першым жа баявым заданні5
Каментары