У Польшчы праз беларускіх птушак падымалі ў паветра вайсковы верталёт
6 верасня Аператыўнае камандаванне Узброеных сіл Польшчы паведаміла пра магчымы ўваход у паветраную прастору краіны неапазнанага аб’екта, які рухаўся з боку Беларусі. Для праверкі інфармацыі і аналізу звестак радыёлакацыйных сістэм у раён накіравалі вайсковы верталёт.
Вайскоўцы разглядалі розныя магчымыя тлумачэнні зафіксаванага сігналу, у тым ліку тое, што ён мог быць выкліканы метэаралагічнымі з’явамі або атмасфернымі анамаліямі. Пры гэтым ніякай актыўнасці расійскай далёкай авіяцыі, звязанай з ударамі па Украіне, у гэты час не назіралася.
Пасля праверкі польскае камандаванне паведаміла, што парушэння паветранай прасторы Польшчы не было. Зафіксаваныя радыёлакацыйнымі сістэмамі паказанні былі вынікам пралёту вялікай чарады птушак.
Паведамляецца, што польскія вайскоўцы працягваюць сачыць за сітуацыяй, а падраздзяленні і тэхнічныя сродкі застаюцца ў гатоўнасці да выканання сваіх задач.
Цяпер чытаюць
Сцвярджаецца, што кіраўнік Butikavto Іван Лябейка ўжо на свабодзе1
Каментары