Дзяніс Кучынскі заявіў, што новы палітычны сезон можа быць вырашальным
Дыпламатычны дарадца Святланы Ціханоўскай расказаў, чаго чакаць ад новага палітычнага сезону. Па яго словах, ён можа стаць вырашальным.
«Спадзяемся, што верасень, новы палітычны сезон, ён пачнецца з добрых навін па вызваленні нашых беларускіх герояў і гераінь. Тут велізарную працу правяла амерыканская адміністрацыя, з якой мы разам працуем, і мы будзем працягваць тую працу да моманту, як не будзе вызвалены кожны і кожная з нашых герояў і гераінь. Таксама будзем дбаць пра тое, як дапамагчы вызваленым палітзняволеным. Спадзяемся, што ў новым палітычным сезоне зможам павялічыць Міжнародны гуманітарны фонд, які дапамагае беларускім палітвязням», — расказаў Дзяніс Кучынскі ў відэа.
Ён зазначыў, што ў верасні ў Нью-Ёрку традыцыйна пройдзе Генасамблея ААН.
Па яго словах, Святлана Ціханоўская будзе прысутнічаць на адной пляцоўцы з прэзідэнтам Трампам і прэзідэнтам Зяленскім.
«Унікальная магчымасць пагаварыць з сусветнымі лідарамі ў кулуарах і вярнуць Беларусь таксама ў парадак дня. Ну і зразумела, што новы палітычны звон для нас будзе ісці пад сцягам Украіны, і мы дасягнулі вялікіх поспехаў з украінскімі ўладамі і, зразумела, працягнем гэтае супрацоўніцтва. І тут вельмі важнае, канечне, тое, што лёс Беларусі таксама залежыць ад лёсу Украіны», — кажа Кучынскі.
Будзе працягвацца праца па дапамозе беларусам як унутры краіны, гэтак і за мяжой, з беларусамі ў Польшчы, у Літве, у іншых краінах, з легалізацыяй, з банкаўскімі рахункамі, з дазволамі на жыхарства.
«Таму праца працягваецца, праца ідзе. Гэта будзе вельмі важны палітычны сезон. І я думаю, што ён можа стаць сапраўды вырашальным як для Беларусі, гэтак і для Украіны», — падсумаваў дыпламатычны дарадца.
Цяпер чытаюць
Хто з палітвязняў выйшаў на свабоду 16 верасня ПОЎНЫ СПІС15
Каментары
Вельмі ўпэўнена ды слушна ўсё кажа дарадца!