Новая мадэль Claude за 44 хвіліны ўзламала шыфр, які не маглі разгадаць 373 гады
Cyphral Distich стварыў шатландскі пісьменнік Томас Уркхарт у 1653 годзе. Шыфр складаецца з двух радкоў па 32 лічбы.
Новая мадэль нейрасеткі Claude Fable 5.1 узламала шыфр Cyphral Distich, які крыптографы не маглі разгадаць 373 гады. Пра гэта паведаміла кампанія Vals AI, якая спецыялізуецца на тэставанні мадэляў штучнага інтэлекту.
«Выкарыстоўваючы Fable 5.1, мы расшыфравалі шыфр, які заставаўся неразгаданым на працягу 373 гадоў. <…> Азіраючыся назад, можна сказаць, што ён амаль ашаламляльна просты», — гаворыцца ў публікацыі.
Cyphral Distich стварыў шатландскі пісьменнік Томас Уркхарт у 1653 годзе. Шыфр складаецца з двух радкоў па 32 лічбы.
Ён заставаўся неразгаданым на працягу стагоддзяў.
Як невырашальную праблему яго назвалі ў 1899 годзе ў часопісе Notes and Queries, пазней яго зноў згадвалі ў літаратуры па крыптаграфіі XX стагоддзя, а яшчэ пазней даследчык гістарычных шыфраў Клаўс Шмэ ўключыў яго ў спіс 50 самых вядомых неразгаданых зашыфраваных паведамленняў.
Fable 5.1 заўважыла, што перад крыптаграмай размешчаны 32 «правірацыі» Уркхарта — 32 кароткія пажаданні. Мадэль супаставіла кожную лічбу з адпаведным фрагментам тэксту, выкарыстала лічбу як нумар слова і ўзяла першую літару гэтага слова.
На гэтую задачу нейрасетка патраціла 44 хвіліны і 174 тысячы токенаў.
У выніку атрымалася паведамленне: «О Божа, падтрымай караля Карла II і зрабі яго вярхоўным уладаром гэтай зямлі».
У 1649 годзе ў Англіі пасля пакарання смерцю караля Карла І манархія была скасавана і абвешчана рэспубліка. Кіраўніком краіны ў 1653 годзе стаў Олівер Кромвель, які насіў тытул лорда-пратэктара. Кромвель у 1658 годзе памёр, у краіне пачаўся хаос, і парламент прызваў на трон сына Карла І, які быў каранаваны ў 1660 годзе як Карл ІІ. Манархія была адноўлена.
Цяпер чытаюць
Дэпутатка, якая рыхтуе прыгажунь для Лукашэнкі, выйшла замуж13
Каментары