Грамадства3535

«Міністр у Беларусі не можа не быць саўдзельнікам злачынстваў рэжыму Лукашэнкі»: Каверын расказаў, чаму стаў такім радыкальным

Вядоўца ранішняга шоу «Обычное утро» Канстанцін Каверын у новым выпуску ТОКу расказаў, як за час працы над праектам змяніліся яго погляды і чаму некаторыя яго выказванні могуць падавацца занадта рэзкімі.

Канстанцін Каверын. Скрын відэа: TOK_talk / YouTube

«З таго часу, як я стаў займацца «Обычным утром», мне здаецца, я стаў значна больш радыкальным у дачыненні да Расіі. І не толькі таму, што яна ваюе з Украінай, але для мяне на многія рэчы ў беларускай гісторыі расплюшчыліся вочы», — расказаў Каверын.

Канстанцін падкрэсліў, што не з'яўляецца гісторыкам, аднак заявіў, што некаторыя дзеянні Расіі ў дачыненні да беларусаў ён лічыць генацыдам:

«Гэта сто працэнтаў. Гэта было вычышчэнне нацыі. Чаму я з табой цяпер размаўляю па-руску? Бо і я прадукт гэтага вычышчэння, гэтага генацыду ў пэўнай ступені».

Пры гэтым сам Каверын лічыць, што за апошнія гады стаў больш беларусам.

«Мне здаецца, што я стаў больш беларусам, чым быў да гэтага. Вось што я думаю. Я спадзяюся».

Наста Роўда прапанавала абмеркаваць адзін з прыкладаў радыкальных выказванняў вядоўцы. Некалькі гадоў таму пасля заўчаснай смерці міністра транспарту Аляксея Аўраменкі ў «Обычном утре» прагучаў каментар Каверына: «Адным злачынцам менш».

«Мне падаецца, што на тым баку таксама шмат людзей, якія спрабуюць штосьці рабіць. Што там не могуць быць усе злачынцы, што не могуць быць усе кепскія людзі. Як ты пра гэта думаеш?», — пацікавілася Роўда.

«Вось думаю так. Так і ёсць. Што там ёсць людзі, якія спрабуюць… Але яны не знаходзяцца на кіраўнічых месцах у гэтай «сацыял-дэмакратычнай партыі». Сённяшні міністр у Беларусі не можа не быць саўдзельнікам злачынстваў рэжыму Лукашэнкі», — заявіў ён.

«І няважна, гэта эканоміка, транспарт?» — удакладніла Роўда.

«Увогуле не. Ты бенефіцыяр аўтаматычна. Усё», — адказаў Каверын.

Паводле Канстанціна, такія яго выказванні — яшчэ адна з прычын, чаму ён не вернецца ў Беларусь. «Таму што яны мне гэтага не даруюць».

Пры гэтым Каверын прызнаў, што разумее, як ягоныя заявы могуць выглядаць збоку:

«Нейкаму чалавеку з тонкай душэўнай арганізацыяй, даволі адукаванаму, цяжка на гэта глядзець».

Каверын адзначыў, што ёсць людзі, якія, на яго думку, даносяць прыкладна тыя ж думкі ў больш прымальнай форме. Сярод іх ён назваў Аляксандра Раднянскага, Арцёма Шрайбмана, Аляксандра Класкоўскага і Аляксандра Фрыдмана.

Сваю манеру выказвацца Каверын патлумачыў уласцівай яму праматой.

«У сваю абарону… Як гэта сказаць? Я просты як пралетарская пяцярня. Мы ж клей нюхалі з пацанамі. У абарону сябе скажу: «Так, блін, напэўна, часам мне не хапае менавіта гэтай адукаванасці, нейкай інтэлігентнасці, можа быць, нават прыроджанай. За што прашу прабачэння. Але хаця б я не хлушу».

Каментары35

  • ўіў
    07.09.2026
    Такі радыкальны, што далей трымаецца сваёй расейскай мовы. Хіба яшчэ далёка не ўсё зразумеў з гісторыі.
  • Лол
    07.09.2026
    > Чаму я з табой цяпер размаўляю па-руску? Ды і я прадукт гэтага вычышчэння, гэтага генацыду ў пэўнай ступені.

    Не, Косця, гэта таму, што ты - інфантыл, які шукае сабе апраўданняў.
  • а што
    07.09.2026
    што можна сказаць у звязцы з гэтым пра латушку?

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць16

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай31

Зборная Беларусі прайграла заключны важны матч у Лізе нацый5

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць