У праекце рашэння маркетплэйс называюць сеткай забеспячэння расійскіх вайскоўцаў. У Wildberries сцвярджаюць, што санкцыі супраць Кім не паўплываюць на працу кампаніі.

Пра ўхваленне абмежаванняў 16 лістапада паведаміў кіраўнік МЗС Францыі Жан-Наэль Баро перад сустрэчай міністраў замежных спраў краін ЕС у Бруселі.
«Прынятыя санкцыі супраць 145 асоб і арганізацый. Яны, у прыватнасці, тычацца кіраўніцы галоўнага расійскага сайта анлайн-гандлю Wildberries», — заявіў міністр.
У спіс таксама ўключылі Пецярбургскі нафтавы тэрмінал.
Раней «Радыё Свабода» азнаёмілася з праектам санкцый. У дакуменце гаворыцца, што Wildberries «працуе як сетка забеспячэння расійскіх вайскоўцаў, спрыяючы продажу тавараў вайсковага і падвойнага прызначэння».
Таксама ў абгрунтаванні згадваецца стратэгічнае партнёрства кампаніі з дзяржаўным расійскім банкам ВТБ, які ўжо знаходзіцца пад санкцыямі ЕС.
У аб’яднанай кампаніі Wildberries і Russ — РВБ — заявілі, што абмежаванні супраць заснавальніцы не паўплываюць на дзейнасць. Паводле прэс-службы, кампанія не мае актываў у Еўрасаюзе і не працуе ў яго краінах.
Баро таксама выступіў за падрыхтоўку 22‑га пакета санкцый. У прыватнасці, Францыя прапануе ўвесці абмежаванні супраць арганізацый, якія пастаўляюць бензін у Расію.
-
Ва Украіне 14‑гадовая школьніца нарадзіла ад 60‑гадовага мужчыны. Яна кажа, што ён добры бацька, і прасіла не караць яго
-
Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным
-
Урсула фон дэр Ляен назвала фармат, у якім будзе ўдзельнічаць Еўропа ў перамовах па Украіне
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары