У Падмаскоўі знайшлі 741 тысячу пачкаў цыгарэт з Беларусі. Перавозчыкі змешчаныя ў СІЗА
Кошт цыгарэт ацэньваецца прыкладна ў чатыры мільёны беларускіх рублёў.

У Падмаскоўі выявілі буйную партыю немаркіраваных цыгарэт, якія прывезлі з Беларусі. Усяго мытнікі канфіскавалі больш за 741 тысячу пачкаў. Іх кошт ацанілі ў 113 мільёнаў расійскіх рублёў (гэта прыкладна чатыры мільёны беларускіх рублёў), паведамляе Прайм-ТАСС
Цыгарэты выявілі на адной з пляцовак у Падмаскоўі. Падчас перагрузкі тавару затрымалі грамадзян Беларусі. Паводле звестак Федэральнай мытнай службы Расіі, на допыце яны патлумачылі, што ведалі пра патрабаванні расійскага заканадаўства да абароту тытунёвай прадукцыі і збіраліся прадаваць цыгарэты на тэрыторыі Расіі.
Распачатая крымінальная справа паводле ч. 3 арт. 226.1 КК РФ (кантрабанда стратэгічна важных тавараў у буйным памеры, учыненая арганізаванай групай).
Мужчынам пагражае да 12 гадоў пазбаўлення волі.
Затрыманыя знаходзяцца ў следчым ізалятары. Расследаванне працягваецца.
Цяпер чытаюць
Дырэктар Віцебскага цэнтра сучаснага мастацтва Андрэй Духоўнікаў пераехаў у Сербію — ён расказаў пра даносы ў культуры, неадукаванасць міністраў і чый жа Шагал
Каментары