Свет11

Зніклага расійскага Z-ваенкара Раманава маглі абвінаваціць у дзяржздрадзе

Расійскі Z-ваенкар Уладзімір Раманаў, аўтар папулярнага тэлеграм-канала «Romanov Лайт», мог стаць фігурантам справы аб дзяржаўнай здрадзе пасля публікацыі пра эвакуацыю жыхароў горада Алешкі ў Херсонскай вобласці. Пра гэта паведамляюць Z-каналы, заўважыла выданне The Moscow Times.

Уладзімір Раманаў у Алешках. Фота: Romanov Лайт / Telegram

Ваенкар Раманаў 30 кастрычніка напісаў, што жыхары Алешак, якіх эвакуявалі, у асноўным аддалі перавагу варыянту выезду ва Украіну, а не ў Расію. Пасля публікацыі пра гэта 40‑гадовы Раманаў знік і перастаў абнаўляць свой канал. Апошні допіс у ім з’явіўся 31 кастрычніка.

Тэлеграм-канал «Сводки ополчения Новороссии» сцвярджае, што Раманава не могуць наведваць адвакаты. Паводле яго аўтараў, справа звязаная з дзяржаўнай здрадай, а магчымасць атрымаць абарону ў затрыманага з’явіцца толькі праз некалькі месяцаў пасля арышту.

Канал Alex Parker Returns яшчэ 5 лістапада паведаміў пра арышт блогера. Сцвярджаецца, што яму ставяць у віну дзяржаўную здраду, шпіянаж на карысць Украіны і ўдзел у прапагандысцкіх мерапрыемствах пад кіраўніцтвам украінскіх спецслужбаў.

Аўтары Alex Parker Returns лічаць, што гэта можа быць пачаткам пераследу прадстаўнікоў Z-супольнасці, якія дазваляюць сабе крытыкаваць уладу. Яны сцвярджаюць, што рыхтуюцца яшчэ некалькі паказальных распраў. У якасці прыкладаў згадваюцца смерць рэпера Мішы Мавашы і справа ўкраінскай адвакаткі Таццяны Манцян. Яна падтрымала расійскую анексію Крыма і выступала за аддзяленне так званых «ДНР» і «ЛНР», а пасля пераезду ў Расію сёлета атрымала паўтара года калоніі-пасялення за выказванні падчас стрыму.

30 кастрычніка Раманаў напісаў, што ва Украіну з эвакуяванымі жыхарамі Алешак адправяцца 17 аўтобусаў, а ў Расію — чатыры. Прыкладна праз паўгадзіны ён выдаліў гэтыя звесткі з допісу, але яны захаваліся ў архіўнай версіі. У паведамленні блогер таксама заўважыў, што на расійскім тэлебачанні, верагодна, пакажуць больш аўтобусаў з расійскага боку, але іх вокны будуць шчыльна заштораныя.

Сам Раманаў першапачаткова скептычна ставіўся да гуманітарнай аперацыі ў Алешках. Жыхароў горада ён называў «ждунамі і памагатымі» і заклікаў «выпускаць іх у перыяд са снежня па люты ўплаў праз Дняпро».

Раней блогер таксама крытыкаваў дзеянні расійскіх вайсковых падраздзяленняў, у тым ліку чачэнскага фармавання «Ахмат». У маі 2025 года ён апублікаваў відэа з Крымскага моста пасля паведамлення пра атаку, а ў пачатку 2026‑га — інфармацыю пра маштабныя перабоі ў працы спадарожнікавай сувязі Starlink на фронце.

Каментары1

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Сэрца — амаль адзіны орган, які не хварэе на рак. Навукоўцы пачынаюць разумець чаму1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць16

«Дайце круглую суму і год — будзе вам любы шэдэўр Мікеланджэла!» Улады запатрабавалі перарабіць «Быхаўскую мадонну». Аўтар падточвае яе балгаркай30

Зборная Беларусі прайграла заключны важны матч у Лізе нацый5

«Спадзяюся, ты памрэш і пазбавіш нас ад пакут». Пасля адстаўкі кіраўніка Nvidia падначаленыя расказалі пра ягоныя істэрыкі13

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны22

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць