Зараз бягуха разам з маладым мужчынам адпачывае на італьянскім возеры Кома.
У пачатку жніўня Крысціна Ціманоўская расказала сваім падпісчыкам у інстаграме, што больш не нявеста ўкраінца Аляксандра Салонскага. Яна паведаміла, што прыгожая гісторыя кахання, якая пачалася каля трох гадоў таму ў Грэцыі, а летась дайшла да прыгожай прапановы рукі і сэрца ў Нью-Ёрку, скончылася разрывам.
Але ў хуткім часе спартоўка пачала рабіць у блогу намёкі на новыя адносіны.
Нядаўна Ціманоўская здабыла медаль на чэмпіянаце Еўропы па лёгкай атлетыцы. Яна ўдзельнічала ў складзе зборнай Польшчы ў эстафеце 4х100 метраў. Спартсменкі сталі трэцімі.
Паказваючы, як яна святкуе медаль, Крысціна апублікавала фотаздымак з маладым мужчынам. Для музычнага суправаджэння допісу бягуха абрала песню са словамі «І ніякага няма сэнсу ў жыцці, апроч кахання».
Мужчына таксама апублікаваў у сябе ў сацсетках падборку фотаздымкаў са спартоўкай, ды зрабіў подпіс: «Лета з Крысцінкай».
Па сторыс Крысціны бачна, што яны шмат часу бавяць разам. А цяпер вось паляцелі адпачываць у Італію і публікуюць фоты з возера Кома.
Хто ж новы сябар Крысціны Ціманоўскай? Мяркуючы па сацсетках, гэта ўкраінец Артур Сазінаў, які працуе менеджарам па фінансавым планаванні і аналітыцы ў медыцынска-тэхналагічнай кампаніі ў Варшаве.
Журналістам спартсменка не стала каментаваць свае адносіны.
Крысціна Ціманоўская і Марыя Жодзік здабылі медалі на чэмпіянаце Еўропы па лёгкай атлетыцы
Крысціна Ціманоўская засталася без жаніха
Крысціна Ціманоўская расказала пра Недасекава, які не можа на яе забыцца, і працу на «Белсат» па-беларуску
Ціманоўская расказала, што атрымлівае ў Варшаве як спартоўка 700 еўра ў месяц
Каментары