У Турцыі прайшлі масавыя арышты членаў злачыннай групоўкі, якую падазраюць у падпале станцый Starlink у Еўропе
У Турцыі затрымалі 87 чалавек, у тым ліку 30 непаўналетніх, якіх падазраюць у прыналежнасці да арганізаванай злачыннай групоўкі «Далтаны» (Daltonlar). Паводле інфармацыі турэцкага тэлеканала CNN Türk, аперацыя прайшла адначасова ў 30‑ці правінцыях, у тым ліку ў Стамбуле.
Следства падазрае ўдзельнікаў групоўкі ў вярбоўцы кілераў, дзеянні якіх каардынавалі праз закрытыя чаты ў месенджарах. Асноўным каналам сувязі быў агульны чат у WhatsApp пад назвай «Браты Далтаны» (Dalton Kardeşler).
Міністр юстыцыі Турцыі Акін Гюрлек паведаміў, што ўсяго па справе затрымалі 87 чалавек. Пошукі яшчэ 13‑ці падазраваных працягваюцца.
Лідар групоўкі Бератджан Гёкдэмір быў затрыманы ў Расіі ў 2024 годзе. Паводле звестак нямецкіх органаў бяспекі, нягледзячы на патрабаванне Анкары аб яго экстрадыцыі, Масква дала яму магчымасць дзейнічаць і забяспечыла абарону — меркавана, у абмен на пэўныя паслугі. Гёкдэмір абвешчаны ў міжнародны вышук па чырвоным паведамленні Інтэрпала.
Групоўка можа быць датычная да падпалаў наземных станцый спадарожнікавай сувязі Starlink у Еўропе. Раней крыніцы нямецкага выдання Spiegel паведамлялі, што расійскія спецслужбы маглі заказаць падпал станцыі ў Польшчы.
Польскія ўлады ўжо арыштавалі двух грамадзян Турцыі, якіх абвінавачваюць у наўмысным падпале тэрмінала Starlink 23 верасня ў вёсцы Воля-Крабоўска. Гэты аб’ект, сярод іншага, забяспечваў сувязь для ўкраінскіх войскаў.
Паводле звестак некалькіх еўрапейскіх спецслужбаў, затрыманыя маглі належаць да «Далтанаў» або атрымаць заказ ад удзельнікаў гэтай групоўкі. Яна шмат гадоў займаецца вымагальніцтвам, гандлем зброяй і заказнымі забойствамі, у тым ліку ў Германіі. Паводле публікацыі Spiegel, загад аб нападзе на польскі аб’ект мог паступіць ад расійскіх спецслужбаў.
Да падпалу станцыі Starlink у Польшчы можа быць датычная турэцкая злачынная групоўка, за якой стаіць Масква
У падпале станцыі Starlink у Балгарыі падазраюць двух грамадзян Германіі
У Літве ноччу спрабавалі падпаліць прадпрыемства, дзе захоўваецца абсталяванне Starlink
Польшча абвінаваціла расійскія спецслужбы ў падпале станцыі Starlink недалёка ад Варшавы
У Польшчы загарэлася станцыя Starlink, якая дае доступ да інтэрнэту ва Украіне. Не выключаюць дыверсіі
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары