Biełaruskamoŭnaha pravasłaŭnaha z Hrodna abviaścili terarystam i sudziać za «raspalvańnie varožaści»
Da Dzianisa Adamina, zdajecca, dačapilisia za kamientary ŭ telehramie.
Dzianisu Adaminu 45 hadoŭ. Jon z Hrodna. Maje žonku i niepaŭnaletniuju dačku.
Uletku 2020 hoda Adamin zarehistravaŭsia jak indyvidualny pradprymalnik. Jahonym asnoŭnym vidam dziejnaści byŭ zbor hryboŭ, jahad i ziołak.
Mužčyna — pravasłaŭny viernik. U lutym 2020 hoda jon byŭ słuchačom na sustrečy, pryśviečanaj bahasłoŭskaj adukacyi dla śvieckich, jakaja prachodziła ŭ pravasłaŭnym kłubie pry Śviata-Pakroŭskim kafiedralnym sabory ŭ Hrodnie.
U sacsietkach Dzianis šmat razvažaŭ pra duchoŭnyja zakony, nazyvaŭ svabodu fundamientalnaj patrebaj čałavieka i vostra krytykavaŭ dziejańni Maskoŭskaha patryjarchatu. Jon pisaŭ u sacsietkach na biełaruskaj movie.
Ciapier Dzianisa Adamina sudziać pavodle artykuła 130 Kryminalnaha kodeksa — «raspalvańnie varožaści». Najchutčej, padstavaj dla pieraśledu stali jahonyja kamientary ŭ telehramie.
Akaŭnt Dzianisa ŭ telehramie byŭ nieabaronieny, zarehistravany na jahony telefonny numar i padpisany jahonym ułasnym imiem.
KDB uklučyŭ Adamina ŭ «śpis terarystaŭ».
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 10050 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy, vymušanaja emihracyja) začapili sotni tysiač biełarusaŭ.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ, prajavy salidarnaści z Ukrainaj, antyvajennyja vystupy.
«Naša Niva» — bastyjon biełaruščyny
PADTRYMAĆCiapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary
Dobav́tie siuda połnoje otricanije biełaruskoj nacii i vsieho biełaruskoho, kak vłasťju moskvy, tak i moskovskoj cierkov́ju, a značit takim žie otricanijem zaniata vłasť łukašienko i khb, vied́ oni słužat moskovskoj cierkvi i moskovskoj vłasti, słužat d́javołu, to tiem boleje vsio łohično.