Heta možna paraŭnać z chutkaściu reaktyŭnaha samalota.
Kitajskija inžyniery pastavili novy rekord chutkaści dla ciahnikoŭ na mahnitnaj padušcy. Makiet ciahnika masaj u tonu zdoleŭ usiaho za 5,3 siekundy razahnacca da 800 km/h — heta supastaŭna z chutkaściu reaktyŭnaha samalota, piša news.cgtn.com.
Heta ŭžo treci rekord zapar za apošnija miesiacy ŭ hetaj łabaratoryi dla makieta ciahnika na mahnitnaj padušcy, stvoranaha pavodle technałohii mahleŭ (ad anhł. magnetic levitation — «mahnitnaja levitacyja»).
Sieryja rekordaŭ pačałasia ŭ červieni 2025 hoda, kali makiet upieršyniu ŭdałosia razahnać da chutkaści 651 km/h, a zatym — da 700 km/h.
U płanach inžynieraŭ — dasiahnuć chutkaści 1000 km/h.
Vahon, jaki levituje nad rejkami dziakujučy mahnitam, razhaniajecca da vysokich chutkaściaŭ za košt adsutnaści treńnia i vykarystańnia pieramiennaha elektramahnitnaha pola. Pry prakładcy puciej adchileńni nie pavinny pieravyšać 0,5 mm.
Padčas ekśpierymientu taksama była prademanstravanaja zdolnaść sistemy da kantralavanaha efiektyŭnaha tarmažeńnia ciahnika: makiet rezka spynili na ŭčastku daŭžynioj usiaho 200 mietraŭ.
U budučyni hetuju technałohiju kitajskija inžyniery majuć namier vykarystoŭvać dla zapusku rakiet i avijacyjnaj techniki. Pa stanie na 2026 hod u śviecie dziejničajuć šeść sistem ciahnikoŭ na mahnitnaj padušcy na asnovie technałohii mahleŭ — try ŭ Kitai, dźvie ŭ Paŭdniovaj Karei i adna ŭ Japonii.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje19
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju44
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju4
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary