Rasijskaja piensijanierka pierakanała studenta, što na im śmiarotnyja suroki, i zabrała hrošy. A paśla čatyry hady chavałasia ŭ Biełarusi
U palicyi žančyna pryznałasia, što vyznačyła ŭ kiroŭcu łocha — i nie zmahła prajści mima.
Piensijanierka z Rasii, jakaja pad vyhladam źniaćcia surokaŭ vymańvała hrošy ŭ ludziej, amal čatyry hady chavałasia ad suda — pakul nie była aryštavanaja ŭ Biełarusi.
Pra heta śviedčyć pryhavor Alaksiejeŭskaha rajonnaha suda Biełharadskaj vobłaści Rasii ad 15 studzienia 2026 hoda.
Vosieńniu 2021 hoda 20‑hadovy student z horada Alaksiejeŭka (Biełharadskaja vobłaść, Rasija) padvioz na svajoj mašynie nieznajomuju žančynu — Volhu Vołkavu. Padčas pajezdki jana zajaviła chłopcu, što na jaho i jaho rodnych naviedzienyja suroki, i prapanavała «dapamohu» — za hrošy.
Vołkava pierakanałasia, što student pavieryŭ, tamu razyhrała ceły rytuał: dała jamu ŭ ruki ikonku, prymusiła chryścicca i plavać za plačo, viazała vuzielčyki na viaroŭcy i zamolvała hrošy. Pad roznymi padstavami — «na manastyr», «na darohu», «za baćku», «za siastru» — jana za adzin dzień vymaniła ŭ chłopca kala $500, jakija jon zdymaŭ u niekalki zachodaŭ u bankamacie.
Praz dva dni machlarka sama patelefanavała achviary i paprasiła znoŭ jaje padvieźci — tam jaje i zatrymała palicyja.
Na dopycie Vołkava pryznałasia, što nijakim «źniaćciem surokaŭ» nikoli nie zajmałasia, a prosta na voka vyznačyła ŭ kiroŭcu «łocha».
Sprava zaciahnułasia, bo piensijanierka schavałasia ad suda. U 2022 hodzie jaje abviaścili ŭ vyšuk, ale zatrymali tolki ŭ vieraśni 2025 hoda — u Biełarusi. Praź niekalki miesiacaŭ jaje ekstradziravali ŭ Rasiju, a ŭ studzieni 2026 hoda asudzili.
Vołkavu pryznali vinavataj u machlarstvie, adnak z ulikam adsiedžanaha ad pakarańnia vyzvalili. Tolki treba viarnuć hrošy studentu.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary