Siońnia ŭ krainie pracuje 664 hateli, ale dziaržaŭnaja prahrama praduhledžvaje pavieličeńnie numarnoha fondu na 30%. Pra heta ŭ efiry ANT raspavioŭ namieśnik dyrektara Nacyjanalnaha ahienctva pa turyźmie Dzianis Biažok, piša Mlyn.by.
Ceny na pražyvańnie ŭ Biełarusi prykmietna adroźnivajucca. U niekatorych hatelach sutki kaštujuć usiaho 27 rubloŭ. Pavodle słoŭ ekśpierta, heta chutčej varyjant «dach nad hałavoj», čym uzrovień, jaki dazvalaje abjektu raźvivacca i adpaviadać sučasnym patrabavańniam.
U Minsku siaredni košt numara składaje kala 190 rubloŭ za sutki. Pry hetym u asobnych hatelach cana moža dachodzić da 500 rubloŭ. Na košt upłyvajuć raźmiaščeńnie hatela, uzrovień servisu i dadatkovyja pasłuhi. Naprykład, u košt niaredka ŭvachodzić śniadanak abo šviedski stoł.
Akramia taho, hateli ŭsio čaściej vykarystoŭvajuć dynamičnaje cenaŭtvareńnie. U pieryjady śviataŭ i vysokaha popytu košt pražyvańnia moža pavialičvacca.
«Heta biźnies, heta pravilna. Bolš vydatkaŭ, bolš układańniaŭ — adpaviedna, jany robiać vyšejšyja ceny. Pry hetym nijakaha śpiecyjalnaha rehulavańnia tut nie patrabujecca: hość sam rehuluje rynak svaim kašalkom», — patłumačyŭ Dzianis Biažok.
Pavodle jaho słoŭ, kali hatel ź nie samym udałym raźmiaščeńniem i stanam ustaluje zanadta vysokuju canu, turysty prosta vybieruć inšy varyjant.
Ciapier čytajuć
«Dahetul zadajusia pytańniem, čym Pratasievič mianie začaravaŭ». Vialikaje intervju Sofji Sapiehi — častka druhaja12
Kamientary