Słavuty baskietbolny kłub mianiaje ŭładalnika.
Amierykanski miljarder Mark Uołter uzhadniŭ prodaž kantrolnaha pakieta akcyj kansorcyumu na čale z zasnavalnikam Thrive Capital Džošam Kušnieram (bratam ziacia Donalda Trampa) i byłym kiraŭnikom Disney Bobam Ajhieram. Suma ździełki składzie rekordnyja dla suśvietnaha sportu $12,5 młrd, piša ESPN.
Uołter pierapradaje kłub z nacenkaj u $2,5 młrd, kirujučy im mienš za hod. U červieni 2025 hoda jon damoviŭsia ab vykupie kłuba «Lejkiers» u siamji Bas za $10 młrd, a NBA kančatkova zaćvierdziła jaho mažarytarnym uładalnikam u kastryčniku.
Pryčynaj prodažu nazyvajuć cisk z boku ŭładaŭ. Prakuratura Manchetena i Kamisija pa kaštoŭnych papierach ZŠA padazrajuć Uołtera ŭ padatkovych machinacyjach, i biznesmienu terminova spatrebiŭsia kapitał dla pakryćcia finansavych ryzyk. Pry hetym miljarder zachoŭvaje inšyja svaje spartyŭnyja aktyvy, u tym liku anhlijski futbolny kłub «Čełsi» i biejsbolny «Łos-Andželes Dodžers».
Čakajecca, što kuplu kłuba «Lejkiers» zaćvierdziać na pasiadžeńni NBA ŭ vieraśni ŭ Ńju-Jorku. Ciapierašni rekord utrymlivaje sam «Lejkiers» z dvuma paśladoŭnymi prodažami: śviežym za $12,5 młrd i letašnim za $10 młrd.
Džoš (Džošua) Kušnier — małodšy brat ziacia Trampa Džareda Kušniera. Jany — syny Čarlza Kušniera, jaki naradziŭsia ŭ siamji emihrantaŭ, što pieražyli Chałakost na Navahrudčynie.
«Łos-Andželes Lejkiers» adzin z samych tytułavanych baskietbolnych kłubaŭ śvietu. Jon 17 razoŭ vyjhravaŭ čempijanat NBA. U «Bostan Sełtyks» — 18 tytułaŭ.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Jak kaliści hubiernatar Čukotki Arkaša Abramovič nabył " Čiełsi" )))) Šmat u rf byli radyja)))