Viadomy hrybnik Alaksandr Harbacevič znajšoŭ vielmi redki hryb — homfus bułavapadobny, jaki taksama nazyvajuć bułavapadobnaj lisičkaj abo «śvinym vucham». Pa słovach hrybnika, jon niekalki hadoŭ maryŭ sustreć taki ekziemplar, i narešcie jamu heta ŭdałosia, piša Tochka.by.
Znojdzieny hryb byŭ maładym, śviežym i amal niepaškodžanym. Jon mieŭ charakternaje bezava-fijaletavaje adcieńnie i niezvyčajnuju formu, praź jakuju Alaksandr Harbacevič paraŭnaŭ jaho z maleńkim parasiom.
Bułavapadobnaja lisička ličycca adnym z samych redkich vidaŭ hryboŭ u Jeŭropie. Navat dla daśviedčanych amataraŭ «cichaha palavańnia» sustreča ź joj — vialikaja ŭdača. Asabliva redka ŭdajecca znajści małady i dobra zachavany ekziemplar, bo takija hryby chutka paškodžvajucca nasiakomymi i inšymi lasnymi žyviołami.
Častku znojdzienaha hrybnoha «kuścika» Harbacevič pieradaŭ u Instytut ekśpierymientalnaj bataniki NAN Biełarusi. Ekzemplar papoŭnić hierbaryj ustanovy, bo raniej hetaha vidu ŭ navukovaj kalekcyi nie było.
Homfus bułavapadobny atrymaŭ nazvu «śvinoje vucha» dziakujučy svajoj niezvyčajnaj formie. Niekalki kapialušykaŭ rastuć z adnoj ahulnaj asnovy i časta zrastajucca pamiž saboj, nahadvajučy zmorščyny vucha.
Hety hryb ličycca jadomym i sustrakajecca ŭ Jeŭropie, Paŭnočnaj i Centralnaj Amierycy, a taksama ŭ paŭnočnych rajonach Azii. Adnak u mnohich jeŭrapiejskich krainach jon staŭ vielmi redkim praz skaračeńnie płoščaŭ starych lasoŭ. U niekatorych dziaržavach vid uklučany ŭ śpisy hryboŭ, jakim pahražaje źniknieńnie.
Ciapier čytajuć
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju11
Administratarka «Štaba Anošak» vałodaje biełaruskaj kampanijaj, datyčnaj da pastavak sankcyjnych paŭpravadnikoŭ u vajujučuju Rasiju
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary
Red., što za ban apošnim časam? ukušu 🧛