U Minsku pjany pasažyr napaŭ na taksista, bo toj nie razmaŭlaŭ ź im padčas pajezdki
U sud nakiravali kryminalnuju spravu suprać 40‑hadovaha minčuka, jakoha abvinavačvajuć u chulihanstvie. Raniej hety mužčyna prablem z zakonam nie mieŭ, ale adzin viečar skłaŭsia dla jaho vielmi niadobra, piša ahienctva «Minsk-Naviny».
Uviečary minčuk užyvaŭ doma ałkahol, a potym vyrašyŭ pajechać da siabra. Mužčyna vyklikaŭ taksi i, sadziačysia ŭ aŭtamabil Hyundai, papiaredziŭ kiroŭcu, što za pajezdku zapłacić jahony znajomy paśla prybyćcia.
Sieŭšy na zadniaje siadzieńnie, pasažyr paprasiŭ uklučyć muzyku i pačaŭ pić harełku, jakuju ŭziaŭ z saboj. Kali aŭtamabil ruchaŭsia pa MKAD z chutkaściu kala 90 km/h, mocna pjanamu mužčynu stała sumna. Jaho aburyła toje, što taksist nie razmaŭlaje ź im.
Pasažyr pasunuŭsia da kiroŭcy i biez papiaredžańnia ŭdaryŭ jaho kułakom pa patylicy, a zatym dvojčy ŭ šyju. Kiroŭca ad niečakanaści pryhnuŭsia, paśla čaho atrymaŭ jašče piać udaraŭ u śpinu. Zatym napadnik pačaŭ ź siłaj vykručvać ruku taksista, jakoj toj sprabavaŭ zakryć hałavu.
U vyniku kiroŭca straciŭ kantrol nad aŭtamabilem i ŭrezaŭsia ŭ barjernuju aharodžu. Mašyna atrymała surjoznyja paškodžańni kuzava i fary. Na ščaście, da hetaha momantu kiroŭca ŭžo paśpieŭ źnizić chutkaść, tamu bolš ciažkich nastupstvaŭ udałosia paźbiehnuć.
Paśla avaryi napadnik vyjšaŭ z aŭtamabila i pajšoŭ u bok źjezda z MKAD. Prajazdžaŭ mima inšy kiroŭca, jaki spyniŭsia i pacikaviŭsia, što adbyłosia. Jon taksama paviedamiŭ pra incydent u milicyju. Debašyra zatrymali ŭ toj ža viečar.
Pry hetym, jak adznačajuć siłaviki, nijakaha kanfliktu pamiž pasažyram i taksistam da napadu nie było. Pryčynaj ahresii faktyčna stała niezadavolenaść pasažyra tym, što kiroŭca nie padtrymlivaŭ ź im razmovu.
Mužčyna maje vyšejšuju adukacyju, nie žanaty, dziaciej nie maje i aficyjna nie pracuje. Raniej da kryminalnaj adkaznaści jaho nie pryciahvali. Svaju vinu jon całkam pryznaŭ.
Jamu vystaŭlena abvinavačańnie ŭ chulihanstvie — naŭmysnych dziejańniach, jakija hruba parušajuć hramadski paradak, demanstrujuć vidavočnuju niepavahu da hramadstva, supravadžajucca hvałtam i paškodžańniem čužoj majomaści.
Paškodžańnie aŭtamabila na sumu 6862,11 rubla mužčyna dobraachvotna kampiensavaŭ. Akramia taho, jon vypłaciŭ taksistu 3000 rubloŭ u jakaści materyjalnaj kampiensacyi maralnaj škody.
Ekśpierty pryjšli da vysnovy, što abvinavačany maje patrebu ŭ prymusovym lačeńni ad chraničnaha ałkahalizmu. Da suda jamu abrali mieru strymańnia ŭ vyhladzie padpiski ab niavyjeździe i naležnych pavodzinach.
«Vidać, nie vytrymali niervy». Kubrakoŭ zastupiŭsia za taksista-mihranta, jaki ŭdaryŭ pasažyrku
Padletki zładzili fłet, pakul baćkoŭ nie było doma — skončyłasia kryminałkaj
Top-10 kryminalnych artykułaŭ, pa jakich čaściej za ŭsio sudziać biełarusaŭ
Błohier Siaroha z Rasii pryjechaŭ na Zybickuju z kachanaj błohierkaj Aniečkaj. Vynik: źbity im biełarus u komie, a Siaroha na 5,5 hoda za kratami
Ciapier čytajuć
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić27
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna66
Kamientary
U dapaŭnieńni da vašaj adzinaj vysnovy-kab ałkahol byŭ dabrom- treba ŭsim dabroŭužyvać, abo dobra ŭžyvać, jak kamu da spadoby.)
PS. Takist- heta nižejšaja forma žyćcia na ziamli, razam z bakteryjami jakija źbirajucca va ŭnitazie.