Pačaŭ pracu ŭ Biełarusi novy pavierany ŭ spravach Vialikabrytanii
31 lipienia novapryznačany pavierany ŭ spravach Vialikabrytanii ŭ Biełarusi Uiljam Łanhchiorst pieradaŭ kopii davierčych hramat ministru zamiežnych spraŭ Maksimu Ryžankovu.
Padčas sustrečy, jak paviedamlajecca, baki abmierkavali ciapierašni stan adnosin pamiž Biełaruśsiu i Vialikabrytanijaj, a taksama mahčymaści dla ich dalejšaha raźvićcia. U biełaruskim MZS zajavili, što razmova prajšła ŭ atmaśfiery davieru i ŭzajemarazumieńnia.
Uiljam Łanhchiorst pracuje ŭ dypłamatyčnaj sistemie bolš za 35 hadoŭ. Za svaju karjeru jon pracavaŭ u brytanskich dypłamatyčnych pradstaŭnictvach u Japonii, Paŭdniovaj Karei, Kambodžy, Sierbii i Šviejcaryi, a taksama ŭ pastajannym pradstaŭnictvie Vialikabrytanii pry AAN u Ńju-Jorku.
U 2019—2024 hadach Łanhchiorst byŭ namieśnikam kiraŭnika dypłamatyčnaj misii Vialikabrytanii ŭ Šviejcaryi. Adnačasova jon zajmaŭ pasadu hienieralnaha konsuła Vialikabrytanii ŭ Šviejcaryi i Lichtenštejnie.
Da pryznačeńnia Łanhchiorsta abaviazki časovaha kiraŭnika brytanskaj dypłamatyčnaj misii ŭ Biełarusi vykonvaŭ Devid Uord. Paŭnavartasnaha pasła ŭ Biełarusi Vialikabrytanija ciapier nie maje.
Kamientary
Ale našy demsiły, jakija pracujuć ź Jeŭropaj suprać handlu palitviaźniami.
Tamu brytanski čynoŭnik pravioŭ pieramovy i naładziŭ suviazi z režymam Łukašenki prosta tak. Biez umovy vyratavańnia choć by niekalkich palitviaźniaŭ.