Ździvilisia navat u banku.
Biełaruska raspaviała ŭ Threads pra niezvyčajnuju situacyju z bankam. Joj pryjšło paviedamleńnie ab pastupleńni na rachunak vielizarnaj sumy hrošaj — 9 młrd 990 młn rubloŭ. Akazałasia, što niekatoryja biełarusy ŭžo sutykalisia z takimi situacyjami, piša «Lusterka».
«Voś heta ja siońnia znatna ašaleła (tut pavinien byŭ być mat), ubačyŭšy paviedamleńnie ab pastupleńni na svoj rachunak pradprymalnika 3,5 młrd dalaraŭ. Bałans byŭ nulavy, ja płanavała jaho zakryvać. Pieršaja dumka: jechać u bank, mnie čužoha nie treba.
Druhaja dumka: kab da mianie potym nie pryjšli z pytańniami słužby paśla takich apieracyj.
Treciaja dumka: vidać, ja plonna vizualizavała prychod vialikich hrošaj u svajo žyćcio, ale jość adzin momant. «Alfa-Bank», vy što tvorycie? Navošta tak pałochajecie ludziej i što ŭ vas tam adbyvajecca?» — napisała biełaruska.
Jana prademanstravała skrynšot pastupleńnia hrošaj — 9 młrd 990 młn rubloŭ. Heta kala 3 młrd 460 młn dalaraŭ pa kursie Nacbanka na 29 lipienia.
U kamientaryjach ździviŭsia navat pradstaŭnik banka.
«Ničoha sabie. Napišycie nam u čat padtrymki, kali łaska, usio pravierym. Kali karystajeciesia dadatkam, to čat znachodzicca pa takim šlachu: Dyjałohi — Alfa-čat. Albo čat-bot u Telegram», — napisali z aficyjnaha akaŭnta struktury.
Mnohija kamientatary pačali žartavać z nahody niečakanaha «bahaćcia», a niechta pryznaŭsia, što sutykaŭsia z padobnaj situacyjaj.
- «Pieršaja dumka: «Google, u jakich krainach niama vydačy ludziej Respublicy Biełaruś?»
- «Avans kapnuŭ?»
- «Novaja fiška Alfy pa ŭtrymańni klijentaŭ z-za błakirovak».
- «Hałoŭnaje — padachodny zapłacić».
- «Było takoje, pry błakiroŭcy karty takoje vybivaje».
- «4% ad hadavoha VUP krainy kapnuła na kartu», — padličyŭ adzin z karystalnikaŭ.
- «Vyklikajem, značyć, u bank śpiecyjalista-santechnika, kab likvidavaŭ uciečku i ŭ ich nie kapała kudy nie treba», — adkazała na heta aŭtarka dopisu.
Adzin z karystalnikaŭ patłumačyŭ:
«U vas była błakiroŭka ad FSAN (Fondu sacyjalnaj abarony nasielnictva) abo padatkovaj prosta. Paśla hetaha byvajuć takija hluki. Ja niekalki hadoŭ tamu sutykałasia: byŭ biezadzyŭny depazit na rachunku firmy. A na padatki nie chapiła 18 ci 38 kapiejek, FSAN nakłaŭ aryšt na rachunak. Potym depazit zakryŭsia, hrošy ź jaho pieraličylisia na biahučy rachunak, FSAN zabraŭ svaje kapiejki, a na depazitnym rachunku adlustravałasia takaja dziŭnaja suma».
Inšyja kamientary:
«U mianie taksama tak było, potym pryjdzie paviedamleńnie, što apieracyja pamyłkovaja».
«Mnie zdajecca, vam viarnuli ŭsie ŭkłady pa davieranym kiravańni, ciapier dzialić budziem» (nahadajem, klijenty ŭžo niekalki hadoŭ nie mohuć viarnuć hetyja srodki).
«Ja b ich vyvieŭ i źjechaŭ by z krainy siońnia ž».
«Čamu vy jašče nie na Maldyvach?»
«Mnie zdajecca, što niechta z supracoŭnikaŭ banka siadzie».
«Kali robiš vypisku ŭ pasolstva».
«Toj vypadak, kali dakranulisia da hrašovaj vietki, ale cud pajšoŭ nie pa płanie».
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?88
Kamientary
Imavierna, vykarystoŭvajuć takuju vieličyniu jak niejkuju techničnuju abo pramiežkavuju pry padlikach, sapraŭdy pry pierachodzie ŭ minus. I kryvarukaść, tamu što nie testavali roznyja pamiežnyja ŭmovy i jana trapiła ŭ realny rachunak.