Nieviadomaja kolkaść publičnych čataŭ Claude trapiła ŭ vyniki pošuku Google. Siarod praindeksavanych staronak akazalisia miedyčnyja dakumienty, unutranyja materyjały kampanij, kryptaklučy, a taksama imiony i telefony dziaciej.
Prablemu vyjavili karystalniki Reddit. Jany vyśvietlili, što z dapamohaj pošukavaha zapytu pa adrasie claude.ai/share možna znajści doŭhi śpis apublikavanych razmovaŭ, piša Devby.io.
Uciečka zakranuła nie zvyčajnyja pryvatnyja čaty, a razmovy, dla jakich karystalniki stvaryli publičnuju spasyłku. Interfiejs Claude papiaredžvaje, što taki čat zmoža adkryć «luby, u kaho jość spasyłka», adnak mnohija mahli nie razumieć, što staronku taksama zdolny praindeksavać pošukaviki.
Anthropic zajaviła, što nie pieradaje pošukavym sistemam katałohi abo karty apublikavanych čataŭ. Pavodle viersii kampanii, spasyłki mahli trapić u indeks tolki paśla taho, jak karystalniki raźmiaścili ich na dastupnych pošukavikam sajtach, forumach abo ŭ sacsietkach.
Adpraŭlenyja asabista spasyłki, jak śćviardžaje Anthropic, u pošuk nie traplajuć.
Pry hetym žurnalisty vyjavili siarod vynikaŭ miedyčnaj spravazdačy realnaha pacyjenta, vyniki kliničnych vyprabavańniaŭ ź imionami ŭdzielnikaŭ, dakumienty ź piersanalnymi źviestkami školnikaŭ, materyjały dla ŭnutranaha vykarystańnia i vodhuki pra supracoŭnikaŭ. U adkrytym dostupie taksama znachodzilisia prahramny kod i pracoŭnyja natatki.
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary
Nie, pryvatnaść - nie pieražytak minułaha. Ale kali vaš parol "password", nie treba ździŭlacca, kali vas uzłamajuć.