«Ja rasist, i ja zrabiŭ heta śpiecyjalna, tamu što nienavidžu vas, kavałki dziarma». Strachoŭščyk padstaviŭ ciažkaatletku na čempijanacie
Skandał razhareŭsia vakoł bielhijskaj ciažkaatletki Sanity Mułu.
Spabornictvy — čempijanat śvietu IPF pa paŭerliftynhu ŭ kłasičnym dyvizijonie — prachodzili ŭ Litvie z 13 pa 21 červienia. Bielhijskaja ciažkaatletka Sanita Mułu spadziavałasia pastavić suśvietny rekord u svajoj vahavaj katehoryi — na treniroŭkach jana rabiła prysied sa štanhaj 340 kh.
Ale nie skłałasia. Padčas adnoj sa sprob bliny štanhi dakranulisia da nahi adnaho sa strachoŭščykaŭ, tamu sprobu nie zaličyli.
U atletki na tym čempijanacie nie atrymałasia nivodnaja z troch sprob, tamu jaje dyskvalifikavali. A zołata vyjhrała kanadka Brytani Šłater.
Na hetym historyja mahła b skončycca, ale ŭ lipieni paŭerlifcier Džo Salivan vypuściŭ videa z razboram hetaha momantu spabornictvaŭ, i ŭ kamientary pryjšoŭ toj samy strachoŭščyk — im byŭ litoviec Ernestas Kusinas. Jon napisaŭ, što śpiecyjalna padstaviŭ spartsmienku.
«Ja rasist, i ja zrabiŭ heta śpiecyjalna, tamu što nienavidžu vas, kavałki dziarma», — napisaŭ Ernestas.
Sanita Mułu była šakavanaja jaho pryznańniem.
«Ja sutykałasia z rasizmam u roznych prajavach, ale nikoli — u takoj.
Ja abaraniała hetaha chłopca, spadziejučysia, što jon nie atrymaje chvali nianaviści, bo dumała, što heta była prosta čałaviečaja pamyłka (bo ŭsie my ludzi). I heta pry tym, što sama pieražyvała rasčaravańnie i bol ad vyletu z čempijanatu śvietu — što taksama stałasia vynikam majho niaŭdałaha treciaha padychodu ŭ prysiedzie i straty 13 kh. A ciapier pračytać takoje ad taho ž samaha čałavieka — heta prosta razryvaje serca», — napisała spartsmienka.
Na situacyju adreahavała Litoŭskaja fiederacyja paŭerliftynhu. Jana pažyćciova adchiliła Ernesta Kusinasa ad usich spabornictvaŭ za jaho rasizm.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»37
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
čto v Litvie mnoho čiernokožich ludiej?