U Minsku milicyja sa zbrojaj zatrymlivała troch recydyvistaŭ-hastraloraŭ
U Minsku supracoŭniki kryminalnaha vyšuku pry padtrymcy bajcoŭ AMAP zatrymali troch zamiežnych hramadzian, jakija padazrajucca ŭ sprobie bujnoha kradziažu z pryvatnaha doma. Padčas apieracyi supracoŭniki śpiecpadraździaleńnia prymianili ahniastrelnuju zbroju, paviedamiła pres-słužba MUS.
Pavodle infarmacyi MUS, padčas asabistaha nadhladu zatrymanych i ahladu ich aŭtamabila byli znojdzienyja i kanfiskavanyja śpiecyjalnyja pryłady dla niezakonnaha praniknieńnia ŭ žyllo. U ich taksama byli maski, palčatki, łom, źmiennaje adzieńnie i inšyja rečy, jakija, pavodle śledstva, mahli vykarystoŭvacca pry ździajśnieńni złačynstva.
Zatrymanym 39, 43 i 56 hadoŭ. Usie jany — zamiežnyja hramadzianie, jakija raniej nieadnarazova pryciahvalisia da kryminalnaj adkaznaści za ciažkija i asabliva ciažkija złačynstvy, u tym liku za naŭmysnaje pryčynieńnie ciažkich cialesnych paškodžańniaŭ, što pryviało da śmierci čałavieka.
Jak paviedamili ŭ MUS, padazravanyja pryjechali ŭ Minsk, kab vykraści bujnuju sumu hrošaj — ad paŭtara da piaci miljonaŭ dalaraŭ. Siłaviki zahadzia atrymali infarmacyju, što nieviadomyja ŭ maskach vyvučajuć terytoryju kala katedža ŭ Centralnym rajonie stalicy, rychtujučysia da złačynstva.
Pavodle infarmacyi śledstva, złamyśniki viedali kod elektronnaha zamka na varotach, tamu bieśpieraškodna prajšli na terytoryju doma, abyšli jaho z tylnaha boku, paškodzili škłopakiet i pasprabavali trapić u pakoj, dzie znachodziŭsia siejf z hrašyma. Jany taksama byli ŭpeŭnienyja, što haspadaroŭ niama doma, bo tyja znachodzilisia za miažoj na adpačynku.
Paśla pieršaj niaŭdałaj sproby padazravanyja vyjechali ŭ Rasiju, ale ŭžo na nastupny dzień viarnulisia ŭ Biełaruś.
U vyniku sumiesnaj pracy biełaruskaha kryminalnaha vyšuku i rasijskich siłavikoŭ udałosia ŭstanavić asoby padazravanych. Ich zatrymali padčas čarhovaj sproby ździejśnić kradziež.
Ciapier siłaviki pravodziać dalejšyja apieratyŭna-vyšukovyja mierapryjemstvy, kab vyśvietlić usie akaličnaści zdareńnia i pravieryć mahčymuju datyčnaść zatrymanych da inšych złačynstvaŭ, učynienych u Biełarusi i na terytoryi inšych krain SND.
U Rasii śpiecnaz zatrymaŭ ahresiŭnaha kryminalnika, jaki napiaredadni sprabavaŭ zapravicca biez čarhi i abražaŭ ludziej
U Łojevie bryhadzie chutkaj dapamohi pahražali pistaletam
U Pastaŭskim rajonie 17‑hadovaha kiroŭcu zatrymlivali sa stralboj
«Nakiravaŭ aŭtamabil u bok palicyjantaŭ». U polskaj prakuratury prakamientavali spravu sa stralboj pa biełarusie ŭ Polščy
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary
Piśmo japonca domoj:
Vano, pračty. Ti hramotnyj? Ne znaju.
Schody k sosiedu, pusť tebe pročtiot.
Skažy, syžu, na zone srok mataju.
Uvidymsia ne rańšie – čerez hod.
Kahda pračtieš, schody, pravedaj Hohi,
Čtob dumał, meždu pročim, hałavoj.
A to jeŝo jemu zavintiat rohi
I sdiełajut tohda nam «hruppovoj».
Ne šli siuda hašiš i dažie čaču.
U mienie na etot appetit prošieł.
Ty zamastyŕ mnie łučšie periedaču –
Pabolšie sała – budiet chorošo.