Uviadzieńnie Jeŭrasajuzam novych sankcyj bolš nahadvaje samaizalacyju ES, zajaviŭ ministr zamiežnych spraŭ Maksim Ryžankoŭ, adkazvajučy na pytańni žurnalistaŭ, piša BiełTA.
«Heta ŭsio vielmi padobna nie na niejkuju izalacyju Biełarusi ci Rasii, a na samaizalacyju Jeŭrapiejskaha sajuza. Tamu što ad kožnaha novaha pakieta sankcyj bolš za ŭsio stračvaje mienavita Jeŭrapiejski sajuz i jaho hramadzianie», — skazaŭ Maksim Ryžankoŭ.
Pavodle jaho słoŭ, Jeŭrapiejski sajuz užo zahulaŭsia z hetymi sankcyjami.
«My ž usie bačym, nakolki sami žychary Jeŭrapiejskaha sajuza pakutujuć ad taho, što jany addalenyja ad rynkaŭ, ad adsutnaści našych turystaŭ u hetych dziaržavach, ad tannych i nadziejnych resursaŭ, jakija raniej pastaŭlalisia», — skazaŭ ministr, dadaŭšy, što krainam ES siońnia navat składaniej naładžvać kamunikacyju z krainami Azii.
ES, adznačyŭ Maksim Ryžankoŭ, «zastajecca samaabmiežavanym na peŭnaj vielmi nievialikaj terytoryi, u jakoj jon siońnia znachodzicca».
«Dla ŭsich vidavočna, chto ŭ hetaj situacyi bolš za ŭsio ciarpić z-za hetych sankcyj», — skazaŭ jon, nazvaŭšy palityku ES absalutna niepradumanaj.
Kamientary
A to my ž bačym, jak pakutuje arhanizm.