«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku
Mužčyna trapiŭ u pryhody pa darozie z Hiermanii ŭ Rasiju, a ciapier i na zvarotnym šlachu.
«U Biełarusi ŭ mianie adbyŭsia incydent»
Rasijanin Uładzimir, jaki z 1999 hoda žyvie ŭ Hiermanii, u pačatku lipienia pajechaŭ u Rasiju praź Biełaruś. Pabyvaŭšy na radzimie, jon viartajecca ŭ Jeŭropu, ale z prypynkam u Minsku.
U stalicy Biełarusi jaho napatkali niepryjemnaści. Uładzimir vykłaŭ videa, dzie raskazvaje pra toje, što ŭ Minsku paškodzili jahonuju BMW X7. Na aŭtamabili šmat nalepak: rasijski i saviecki ściahi z hierbami i dva pravasłaŭnyja kryžy, naleplenyja na piarednija dźviery.
U videa mužčyna kaža, što ŭviečary zaŭvažyŭ, što niechta paškodziŭ macavańnie lusterka zadniaha vidu z boku kiroŭcy.
«Nie viedaju navat, jak heta mahło adbycca, čym udaryli abo što, ale voś tak u Biełarusi ŭ mianie adbyŭsia incydent», — kaža Uładzimir i pakazvaje paškodžanaje ŭ dźviuch miescach macavańnie lusterka.
Asnoŭnaja škoda pryjšłasia na nižniuju častku, dzie bačna mocnaja ŭmiacina, praź jakuju macavańnie prykmietna adłučyłasia ad dźviarej. Druhoje paškodžańnie mienš zaŭvažnaje, jano znachodzicca ŭ vierchniaj častcy macavańnia.
U hetym videa jon tolki vykazvaŭ zdahadki, što heta mohuć być paškodžańni ad strełaŭ z traŭmatyčnaj zbroi.
«Chutčej za ŭsio prycelvalisia ŭ šybu, u mianie, tak by mović. Ale kali mašyna ŭ ruchu — ciažka patrapić. Nu, dziakuj Bohu, patrapili pobač», — kaža Uładzimir i dadaje, što jość taki hazavy pistalet z kruhłymi kulami.
Mužčyna prychodzić da vysnovy, što nie ŭsim u Biełarusi padabajucca «bajavaja» nalepki jahonaj BMW.
«Jak by ni było, jość u Biełarusi takija ludzi, jakija tut žyvuć i im, napeŭna, nie padabajecca rasijski ściah, saviecki ściah, moža, ja im nie padabajusia», — kaža jon.
157 km/h pa MKAD
I jak možna ŭbačyć na videa, jakija Uładzimir vykładaje ŭ sacsietki, nie padabacca jon moža nie tolki tym, što ablapiŭ aŭto ściahami i kryžami.
U adnym z apošnich videa mužčyna pakazvaje, jak ruchajecca pa MKAD. U pikavyja momanty chutkaść na śpidomietry dasiahaje 155‑157 km/h. Pa samim horadzie jon razhaniaŭsia da 133 km/h.
Darečy, pa darozie ŭ Rasiju jon taksama zdymaŭ videa ŭ Biełarusi, dzie było bačna značnaje pieravyšeńnie chutkaści. Praŭda, na papiarednich videa maksimum, jaki možna było ŭbačyć, byŭ 143 km/h.
Padčas minułaj pajezdki pa Biełarusi mužčyna navat trapiŭ na kamieru daišnikaŭ i zapłaciŭ štraf za chutkaść. Praŭda, pieravyšeńnie, ź jakim jaho złavili, było niaznačnym — usiaho na 15 km/h, što drobiazi ŭ paraŭnańni z tym, jak jon haniaje na videa.
Ciapier čytajuć
«Jość u Biełarusi ludzi, jakim nie padabajecca rasijski ściah, saviecki ściah». Rasijaninu na BMW Ch7 ź niamieckimi numarami paškodzili aŭto ŭ Minsku12
Kamientary