Hidraizalacyju i hukaizalacyju ŭ kvatery ciapier možna rabić biez prajekta
Asobnyja vidy rabot pieraŭładkavańnia i pierapłaniroŭki ciapier možna vykonvać biez raspracoŭki prajekta, pišuć Minsk-Naviny.
Pravodzić raboty hidra-, para– i hukaizalacyi ŭ kvaterach ciapier možna biez raspracoŭki prajektnaj dakumientacyi (raniej jana była nieabchodnaja), raskazaŭ načalnik jurydyčnaha adździeła ŽEU №3 Pieršamajskaha rajona Alaksiej Skałdzin.
Hidraizalacyju zvyčajna vykonvajuć na padłozie ŭ kuchni, u sanvuźle padčas zamieny padłohavaha pakryćcia (plitki), a taksama pry pašyreńni jaho płoščy — na «zachoplenym» učastku.
Paraizalacyja — heta kali na ŭciaplalnik naklejvajuć śpiecyjalnuju pleŭku, kab jon nie ŭbiraŭ vilhać.
Hukaizalacyja — abšyŭka ścien i stoli adpaviednymi materyjałami, u pryvatnaści pienapłastam abo minieralnaj vataj.
Dla hetych vidaŭ rabot, jak i dla inšych, što adnosiacca da pierapłaniroŭki i pieraŭładkavańnia, nieabchodna atrymać uzhadnieńnie ŭ administracyi rajona.
Razam z tym vyklučana nieabchodnaść zaklučeńnia damoŭ budaŭničaha padradu. Ciapier rekanstrukcyju i pierapłaniroŭku moža vykonvać ułaśnik žylla svaimi siłami abo z pryciahnieńniem asob, asnoŭnym vidam dziejnaści jakich źjaŭlajecca budaŭnictva.
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary