U pakistanskich harach zahinuła suśvietnaja lehienda alpinizmu. Jak heta adbyłosia
Siarod zahinułych u vyniku sychodu łaviny na hary Broŭd-Pik u Pakistanie byŭ viadomy alpinist i były vajskoviec brytanskaha vojska Nirmał Purdža, paviedamiła jaho kampanija. Čym byŭ viadomy hety čałaviek, piša Bi-bi-si.
Elite Expeditions u dopisie ŭ sacsietkach zajaviła, što z «hłybokim sumam i vializnym bolem» paćviardžaje hibiel Purdžy ŭ vyniku łaviny, jakaja zdaryłasia ŭ čaćvier. Kampanija taksama paviedamiła, što atrymała paćviardžeńnie: inšyja dzieviać udzielnikaŭ ekśpiedycyi taksama nie vyžyli.
Hibiel Purdžy taksama paćvierdziŭ premjer-ministr Niepała Balendra Šach. U sacsietkach jon napisaŭ, što
«trahičnaja hibiel šaściarych niepalskich i čatyroch inšych zamiežnych alpinistaŭ, siarod jakich byŭ rekardsmien śvietu Nirmał Purdža, u hornym masivie Karakarum u Pakistanie, šakavała nas».
«Historyja ich mužnaści, addanaści i ŭniosku nazaŭždy zastaniecca krynicaj natchnieńnia», — dadaŭ premjer.
43‑hadovy alpinist, jaki naradziŭsia ŭ Niepale, staŭ viadomym paśla taho, jak u 2019 hodzie skaryŭ usie 14 najvyšejšych viaršyń śvietu trochi bolš čym za šeść miesiacaŭ. Asabliva prasłaviŭ jaho vychad u 2021 hodzie dakumientalnaha filma Netflix «14 viaršyń: Niama ničoha niemahčymaha» (14 Peaks: Nothing Is Impossible), jaki raskazvaje pra ŭzychodžańni Nirmała Purdžy.
Raniej pakistanskija słužboŭcy paviedamlali, što znajšli cieły troch alpinistaŭ ź dziesiaci ŭdzielnikaŭ ekśpiedycyi — amierykanki Miełary Hajs, Nadchiry Achmied Abduły Al-Charci z Amana i Pur Bachadura Hurunha ź Niepała.
Łavina syšła ŭ čaćvier na viaršyni vyšynioj 8047 mietraŭ u hornym masivie Karakarum. Mižnarodnuju hrupu alpinistaŭ uznačalvaŭ Purdža, jaki ŭ 2003 hodzie pastupiŭ u brytanskaje vojska, a ŭ 2009 hodzie — u Śpiecyjalnuju łodačnuju słužbu (Special Boat Service) — padraździaleńnie śpiecyjalnaha pryznačeńnia Karaleŭskaha fłotu Vialikabrytanii.
Broŭd-Pik ličać adnoj z najskładaniejšych hor dla alpinistaŭ. Pieršaje paśpiachovaje ŭzychodžańnie na viaršyniu adbyłosia ŭ 1957 hodzie, kali pika dasiahnuła aŭstryjskaja ekśpiedycyja. Z taho času na haru ŭzychodzili šmat inšych alpinistaŭ, ale dziasiatki ludziej i zahinuli padčas sprob.
Adnym z najbolš śmiarotnych hadoŭ na Broŭd-Piku da hetaha byŭ 2013-y, kali tut zahinuli jak minimum šeść čałaviek.
Na vaśmitysiačniku Broŭd-Pik paśla sychodu łaviny źnikli 10 alpinistaŭ
Piaciora alpinistaŭ zahinuli na Elbrusie
Ratavalniki evakujavali z Elbrusa cieła 11‑hadovaha chłopčyka i paciarpiełaha baćku
U šviejcarskich Alpach zahinuŭ biełarus
Amierykanskaja alpinistka zastałasia žyvoj paśla padzieńnia z vyšyni 450 mietraŭ
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
Yō ē'uṭā duḥkhada gāthā hō, ē'uṭā duḥkhada gāthā
Eto trahičnyj riepok trahičnyj riepok
ma timīlā'ī ēkajanā mānchēkō kathā sunā'um̐chu
Ja vam rasskažu istoriju o pacanie
nēpālakā ēka mānchē—hāmrai mānchē
Iz Niepała pacanie našiem pacanie
sam'māna
Rieśpiekt
unakō nāma thiyō purjā; unī hatāra nagarī him̐ḍthē, unī hatāra nagarī him̐ḍthē
Jeho zvali Purdža on šieł nie śpieša on šieł nie śpieša
unī bhōra nahunjēlasam'ma bhārī bōkthē —jaya hōs!
On nies hruz otsiuda i do utra - ura!
unī viśva-starakā mānchē thi'ē
Mirovoj pacan był
unakō janma ēka nēpālī mahilā ra ēka nēpālī puruṣabāṭa bha'ēkō thiyō
On sdiełan był niepałkoj i niepalciem
ēka nēpālī mahilā ra ēka nēpālī puruṣa
Niepałkoj i niepalciem
utkr̥ṣṭa rūpamā nirmita—jaya hōs!
Sdiełan na słavu - ura!
Timīlā'ī sam'māna, nirmala purjā
Rieśpiekt tiebie Nirmał Purdža
timīlā'ī sam'māna, nirmala purjā
Rieśpiekt tiebie Nirmał Purdža
tara unī bitē—unī bitē—hāya, hāya, hāya
No on pohib on pohib uvy uvy uvy