Na Homielščynie budzie śpiakotna da +31°C. DAI vystupiła z rekamiendacyjami.
Pavodle infarmacyi Biełhidramieta, siońnia na bolšaj častcy terytoryi krainy čakajucca navalnicy, miescami — mocnyja liŭni. Na paŭdniovym uschodzie maksimalnaja tempieratura pavietra dasiahnie +31°C.
Pierapady atmaśfiernaha cisku i śpioka niespryjalna ŭpłyvajuć na samaadčuvańnie: značna źnižajecca kancentracyja ŭvahi, zapavolvajecca reakcyja, mahčymyja mlavaść, drymotnaść i hałavakružeńnie. Heta pavyšaje ryzyku DTZ, papiaredžvaje DAI.
DAI nastojliva rekamienduje kiroŭcam kantralavać svajo samaadčuvańnie. Mieteazaležnym ludziam i tym, chto pakutuje na sardečna-sasudzistyja zachvorvańni, varta admovicca ad pajezdak, jakija nie vyklikany krajniaj nieabchodnaściu. Navat zdarovym ludziam nie rekamiendujecca praciahły čas znachodzicca za rulom. U darohu nieabchodna brać pitnuju vadu i patrebnyja leki.
Piešachodam rekamiendujecca paźbiahać znachodžańnia na dvare ŭ pieryjad najbolšaj soniečnaj aktyŭnaści, nasić hałaŭny ŭbor i soncaachoŭnyja akulary. Maršrut lepš prakładvać praz parki abo pa cianistym baku vulic.
Padčas navalnicy i zalevy kiroŭcam nieabchodna źnizić chutkaść, pavialičyć dystancyju i ŭklučyć blizkaje śviatło far. Kali bačnaść paharšajecca da nula, treba ŭklučyć avaryjnuju sihnalizacyju, aściarožna źjechać na ŭzbočynu i pieračakać niepahadź.
Rekamiendujecca nie pakidać aŭtamabil pad drevami, rekłamnymi ščytami, słaba zamacavanymi kanstrukcyjami abo ŭ nizinach, dzie chutka nazapašvajecca vada. Kali aŭtamabil imkliva zataplaje, nieadkładna pakinuć jaho i ratavacca.
Piešachodam padčas navalnicy nieabchodna trymacca dalej ad adzinoka stajačych dreŭ, linij elektrapieradačy i vysokich mietaličnych kanstrukcyj. Pierachodzić darohu varta tolki paśla taho, jak pierakanajeciesia, što kiroŭcy vas zaŭvažyli i paśpiavajuć spynicca.
Ciapier čytajuć
Taćciana Zamiroŭskaja pieršy raz za 11 hadoŭ viarnułasia z ZŠA ŭ Jeŭropu. Mnohija maniery, zvyčki i navat ptuški, jakich my nie prykmiačajem, vyklikali ŭ jaje buru ŭspaminaŭ99
Kamientary