Bolš za toje, heta ŭžo treci film Šona Eviery ŭ Krystafiera Nołana.
Viadomy ŭ minułym chakieist Nacyjanalnaj chakiejnaj lihi i hałoŭny pravakatar lihi Šon Eviery źniaŭsia ŭ maštabnym błokbastary Krystafiera Nołana «Adysieja», piša «Biełaruski chakiej» sa spasyłkaj na The Athletic.
Były spartsmien vykanaŭ rolu Łaadamanta — adnaho z addanych voinaŭ z kamandy Adysieja, jakoha syhraŭ znakamity akcior Met Dejman.
Nasupierak čakańniam, u Eviery nie prosta karotkaje kamiea, a paŭnavartasnaja rola druhoha płana ź vialikaj kolkaściu ekrannaha času. U adnoj z klučavych scen jon maje repliki, a ŭ finale filma mienavita jaho piersanaž udzielničaje ŭ vyratavańni hałoŭnaha hieroja.
Cikava, što padčas zdymak adnoj z ekšn-scen Met Dejman i Džymi Hansales spračalisia, chto ź ich chutčej prabiažyć. Pačuŭšy heta, Eviery zajaviŭ: «Ja vas zaraz źnišču», paśla čaho ŭ nastupnym ža dubli ŭ ciažkich daśpiechach biez asablivych vysiłkaŭ abahnaŭ abodvuch halivudskich akcioraŭ.
«Adysieja» — heta ŭžo treci zapar film Krystafiera Nołana, u jakim źniaŭsia Šon Eviery. Da hetaha režysior zadziejničaŭ jaho ŭ nievialikich rolach u karcinach «Dovad» (2020) i «Apienhiejmier» (2023).
Sam Eviery adznačaje, što Nołan jak dobry chakiejny trenier prosta cenić ludziej, jakija prychodziać na placoŭku maksimalna padrychtavanymi da napružanaj pracy i razumiejuć vysokuju adkaznaść.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku5656
Kamientary