«Adysieja» Nołana sabrała za ŭik-end rekordnyja dla režysiora $264 miljony
Ekranizacyja paemy Hamiera z Metam Dejmanam vyjšła ŭ 73 krainach i pakazała najlepšyja vyniki ŭ Vialikabrytanii, Francyi i Italii. Amal čverć startavych zboraŭ zabiaśpiečyŭ farmat IMAX.
Film Krystafiera Nołana «Adysieja» sabraŭ $264,1 młn za pieršy ŭik-end suśvietnaha prakatu, staŭšy samym paśpiachovym startam u karjery režysiora, paviedamlajuć Variety i The Wrap.
Karcina vytvorčaści Universal zarabiła $124,5 młn u ZŠA i Kanadzie i $139,6 młn na mižnarodnych rynkach. Heta najbujniejšy suśvietny debiut siarod filmaŭ Nołana, jaki pierasiahnuŭ vynik «Ciomnaha rycara: Adradžeńnie lehiendy» (2012), jaki za pieršy ŭik-end sabraŭ $249 młn. Hetyja pakazčyki nie ŭličvajuć inflacyju i źmianieńnie koštu kvitkoŭ.
Film Nołana «Adysieja» — ekranizacyja adnajmiennaj staražytnahrečaskaj paemy Hamiera, jakaja raspaviadaje pra cara Itaki Adysieja, jaki paśla zakančeńnia Trajanskaj vajny sprabuje viarnucca dadomu da žonki Pieniełopy i syna Telemacha.
U filmie źnialisia Met Dejman, En Chetuej (Pieniełopa), Tom Chołand (Telemach), Robiert Pacinsan (Antynoj), Džon Bierntał (Mieniełaj), Ziendeja (Afina), Łupita Nuonha (Alena Pryhožaja), Šarliz Teran (Kalipsa), Mia Hot (Miełanfo). Ad imia aeda (staražytnahreckaha skaziciela) uvieś film havoryć repier Trevis Skot.
Ciapier čytajuć
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU1
28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary
Muzyčnyja hrymnoty i chutki mantaž jon błytaje, jak zaŭždy, z epičnaściu.
A hieroja (! nie jakoha niebudź, a majstra chitrykaŭ, naščadka boha chitruna Hiermiesa i piastuna bahini kiemlivaści Afiny) zrabiŭ niejkim ubohim łuzieram, jaki nie pierastaje nyć i ŭspaminać "hrachi" (jon ich ličyŭ podźvihami i chvaliŭsia ŭsim, u tym liku baham!). Bahoŭ i ich roli ŭ historyi naohuł niama. A jak inakš u sučasnaha Halivuda - niama ni viery, ni marali, ni pryncapaŭ, ni hieraizmu, ničoha - tolki viečny hrech biełaha čałavieka, praź jaki jon musić stradać.
Tamu i Telemach kastryravany zusim, navat nia ŭdzielničaje ŭ finale, dzie jon musić stać mužčynaj zabivajučy tych, chto apahaniŭ jaho dom... A staić, jak kukołd.
Maŭlaŭ, vy musicie stradać, a vašy dzieci buduć žyć u emaskulirvanym limba.
Šedeŭr, budzie 20 naminacyj na Oskar.
Topavy momant filma.
Indus kaža hreku, jaki pramaŭlaje pa-hrecku, z akcentam na anhlijskaj: - My tut hreki!