Urad Łatvii vyrašyŭ nie zakryvać adziny dziejny na łatvijska-biełaruskaj miažy punkt propusku «Paternijeki» («Hryharoŭščyna»). Inicyjatyvu ab zakryćci punktu propusku vykazała Ministerstva ŭnutranych spraŭ krainy ŭ suviazi ź mihracyjnym kryzisam, ale ŭrešcie hety krok pryznali pakul niemetazhodnym, paviedamlaje tvnet.lv.
Pavodle słoŭ kiraŭnika ŭrada Andrysa Kułbierhsa, u žniŭni Ministerstvy ŭnutranych spraŭ i abarony krainy ŭzmocniać miery biaśpieki, kab abmiežavać patok nielehalnych mihrantaŭ praz uschodniuju miažu Łatvii, jakaja taksama źjaŭlajecca źniešniaj miažoj Jeŭrapiejskaha sajuza. Jon adznačyŭ, što ciapier mihranty sprabujuć pranikać u krainu nie praz aficyjny punkt propusku, a pa-za im, tamu jaho zakryćcio pakul nie ličycca najbolš efiektyŭnym rašeńniem.
U vyniku łatvijski ŭrad pastanaviŭ pakinuć punkt propusku adkrytym.
Ministr unutranych spraŭ padkreśliŭ, što zakryćcio punkta «Paternijeki» nie źniataje z paradku dnia i moža być apieratyŭna ŭviedziena ŭ vypadku paharšeńnia situacyi. Adnačasova ŭłady buduć aktyŭniej vykarystoŭvać inšyja sposaby supraćdziejańnia nielehalnaj mihracyi.
Asnoŭny akcent płanujecca zrabić na techničnych srodkach achovy miažy i supracoŭnictvie ź Ministerstvam abarony. Padčas zapłanavanych u žniŭni vajskovych vučeńniaŭ siły sajuźnikaŭ pa NATA buduć raźmieščanyja značna bližej da biełaruska-łatvijskaj miažy, a sami vučeńni vykarystajuć dla ŭmacavańnia pamiežnaj biaśpieki.
Janis Dombrava taksama paviedamiŭ, što techničnyja prablemy, jakija ŭźnikli na punkcie propusku «Paternijeki» naprykancy minułaha tydnia, źviazanyja z pracaj mabilnaj sietki. Pavodle jaho słoŭ, ułady raźličvajuć likvidavać hetyja zboi ŭ najbližejšy čas.
Da kanca hoda na łatvijska-biełaruskaj miažy praciahvaje dziejničać režym uzmocnienaj achovy, uviedzieny ŭ suviazi z pavyšanym ciskam nielehalnaj mihracyi.
MUS Łatvii prapanuje całkam zakryć adziny punkt propusku na miažy ź Biełaruśsiu
MZS prakamientavała zakryćcio Łatvijaj miažy ź Biełaruśsiu
Łatvija prapuściła aŭtamabili ź niejtralnaj pałasy, ale los miažy ź Biełaruśsiu pakul niavyznačany
Łatvijski punkt propusku «Paternijeki» na miažy ź Biełaruśsiu zastajecca zakrytym
Łatvija «pa techničnych pryčynach» zakryła miažu ź Biełaruśsiu
Ciapier čytajuć
Budučy kredyt pad 1% na novabudoŭli abrastaje padrabiaznaściami. Jak źmienicca rynak nieruchomaści?2
Budučy kredyt pad 1% na novabudoŭli abrastaje padrabiaznaściami. Jak źmienicca rynak nieruchomaści?
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary