U pahoni za palityčnymi bałami ŭ Ryzie čarhovy raz zabylisia pra ludziej, zajaviła Ministerstva zamiežnych spraŭ Biełarusi.
U biełaruskim zamiežnapalityčnym viedamstvie zajavili, što nie majuć sumnievaŭ, što hety cyničny krok zrobleny napiaredadni vybaraŭ u Siejm Łatvii, što projduć 3 kastryčnika.
«Najbolš uražvaje toje, što ŭ pahoni za palityčnymi bałami ŭ Ryzie ŭ čarhovy raz zabylisia pra ludziej. Nichto nie pakłapaciŭsia zahadzia papiaredzić hramadzian, zrabiŭšy ich raźmiennaj manietaj u palityčnaj hulni. Situacyja lustrana paŭtaraje biescyrymonnuju praktyku litoŭskich uładaŭ kanca 2025 hoda, kali miaža taksama była zakrytaja biez papiaredžańnia pad nadumanaj padstavaj», — zajaviŭ pres-sakratar MZS Rusłan Varankoŭ.
«My rasceńvajem toje, što adbyłosia, jak čarhovaje parušeńnie tych samych «jeŭrapiejskich kaštoŭnaściaŭ», pra jakija tak lubiać havaryć u krainach Bałtyi. Svaboda pieramiaščeńnia hramadzian znoŭ była hruba pryniesiena ŭ achviaru imhniennaj unutrypalityčnaj kanjunktury», — zaznačaje MZS i zajaŭlaje, što biełaruski bok pakidaje za saboj prava pryniać u adkaz miery ŭ dačynieńni da Łatvii, «u tym liku asimietryčnaha charaktaru, dziela abarony nacyjanalnych intaresaŭ i hramadzian Biełarusi».
Łatvija zakryła miažu ŭ piatnicu. Ministr unutranych spraŭ Łatvii Janis Dambrava aficyjna patłumačyŭ heta «techničnymi pryčynami».
Dahetul pamiž Biełaruśsiu i Łatvijaj pracavaŭ tolki adzin prapuskny punkt: Hryharoŭščyna — Paternijeki.
Rašeńnie ab zakryćci było pryniata na fonie rostu kolkaści sprobaŭ nielehalnaha pierasiačeńnia biełaruska-łatvijskaj miažy mihrantami. Pavodle łatvijskich uładaŭ, apošnimi tydniami takija sproby fiksujucca dziasiatkami štodnia.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary