У пагоні за палітычнымі баламі ў Рызе чарговы раз забыліся пра людзей, заявіла Міністэрства замежных спраў Беларусі.
У беларускім замежнапалітычным ведамстве заявілі, што не маюць сумневаў, што гэты цынічны крок зроблены напярэдадні выбараў у Сейм Латвіі, што пройдуць 3 кастрычніка.
«Найбольш уражвае тое, што ў пагоні за палітычнымі баламі ў Рызе ў чарговы раз забыліся пра людзей. Ніхто не паклапаціўся загадзя папярэдзіць грамадзян, зрабіўшы іх разменнай манетай у палітычнай гульні. Сітуацыя люстрана паўтарае бесцырымонную практыку літоўскіх уладаў канца 2025 года, калі мяжа таксама была закрытая без папярэджання пад надуманай падставай», — заявіў прэс-сакратар МЗС Руслан Варанкоў.
«Мы расцэньваем тое, што адбылося, як чарговае парушэнне тых самых «еўрапейскіх каштоўнасцяў», пра якія так любяць гаварыць у краінах Балтыі. Свабода перамяшчэння грамадзян зноў была груба прынесена ў ахвяру імгненнай унутрыпалітычнай кан'юнктуры», — зазначае МЗС і заяўляе, што беларускі бок пакідае за сабой права прыняць у адказ меры ў дачыненні да Латвіі, «у тым ліку асіметрычнага характару, дзеля абароны нацыянальных інтарэсаў і грамадзян Беларусі».
Латвія закрыла мяжу ў пятніцу. Міністр унутраных спраў Латвіі Яніс Дамбрава афіцыйна патлумачыў гэта «тэхнічнымі прычынамі».
Дагэтуль паміж Беларуссю і Латвіяй працаваў толькі адзін прапускны пункт: Грыгароўшчына — Патэрніекі.
Рашэнне аб закрыцці было прынята на фоне росту колькасці спробаў нелегальнага перасячэння беларуска-латвійскай мяжы мігрантамі. Паводле латвійскіх уладаў, апошнімі тыднямі такія спробы фіксуюцца дзясяткамі штодня.
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары