«Гэтая хімічная атака ледзь не загубіла». У Гомелі масава скардзіліся на смурод у цэнтры горада
Увечары 3 верасня жыхары Гомеля ў сацсетках масава паведамлялі пра рэзкі непрыемны пах у розных частках горада, заўважыў «Флагшток». Гамельчукі скардзіліся на смурод у Валатаве, Старым Аэрадроме, у цэнтральнай частцы горада, у раёне вакзала.
Большасць каментароў былі іранічнымі:
«Бліжэй да 17.00 на Аэрадроме гэтая хімічная атака ледзь не загубіла наш офіс».
«Выйшлі з мужам з дому ў 17.30 і давай па чарзе падымаць ногі і разглядаць падэшвы абутку, думалі, што недзе ўляпаліся».
Асабліва моцным смурод быў у Валатаве, адзначылі карыстальнікі. Адзін з іх так патлумачыў гэтую з'яву:
«За Касцюкоўкай чысцяць канавы — вось і ідзе водар адтуль. У Касцюкоўцы ўвогуле няма чым дыхаць».
Іншы жыхар адзначыў, што за горадам палі ўгнойваюць — такая сітуацыя назіраецца штогод.
Выказалі і яшчэ адну версію:
«Гэта не гноем смярдзіць, гэта касцяным заводам, дзе перапрацоўваюць тушы жывёл. Ён знаходзіцца ў Бальшавіку. Уявіце, як нам, хто тут жыве».
Афіцыйных каментароў на гэтую тэму ад дзяржаўных органаў не было.
-
Беларускі рэцыдывіст, які нідзе не працаваў, акрамя калоній, пайшоў ваяваць за Расію. Цяпер у палоне
-
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску
-
Дзе на гэтых выходных у Мінску працуюць сельскагаспадарчыя кірмашы
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску22
Каментары