Урад Латвіі вырашыў не закрываць адзіны дзейны на латвійска-беларускай мяжы пункт пропуску «Патэрніекі» («Грыгароўшчына»). Ініцыятыву аб закрыцці пункту пропуску выказала Міністэрства ўнутраных спраў краіны ў сувязі з міграцыйным крызісам, але ўрэшце гэты крок прызналі пакуль немэтазгодным, паведамляе tvnet.lv.
Паводле слоў кіраўніка ўрада Андрыса Кулбергса, у жніўні Міністэрствы ўнутраных спраў і абароны краіны ўзмоцняць меры бяспекі, каб абмежаваць паток нелегальных мігрантаў праз усходнюю мяжу Латвіі, якая таксама з'яўляецца знешняй мяжой Еўрапейскага саюза. Ён адзначыў, што цяпер мігранты спрабуюць пранікаць у краіну не праз афіцыйны пункт пропуску, а па-за ім, таму яго закрыццё пакуль не лічыцца найбольш эфектыўным рашэннем.
У выніку латвійскі ўрад пастанавіў пакінуць пункт пропуску адкрытым.
Міністр унутраных спраў падкрэсліў, што закрыццё пункта «Патэрніекі» не знятае з парадку дня і можа быць аператыўна ўведзена ў выпадку пагаршэння сітуацыі. Адначасова ўлады будуць актыўней выкарыстоўваць іншыя спосабы супрацьдзеяння нелегальнай міграцыі.
Асноўны акцэнт плануецца зрабіць на тэхнічных сродках аховы мяжы і супрацоўніцтве з Міністэрствам абароны. Падчас запланаваных у жніўні вайсковых вучэнняў сілы саюзнікаў па НАТА будуць размешчаныя значна бліжэй да беларуска-латвійскай мяжы, а самі вучэнні выкарыстаюць для ўмацавання памежнай бяспекі.
Яніс Домбрава таксама паведаміў, што тэхнічныя праблемы, якія ўзніклі на пункце пропуску «Патэрніекі» напрыканцы мінулага тыдня, звязаныя з працай мабільнай сеткі. Паводле яго слоў, улады разлічваюць ліквідаваць гэтыя збоі ў найбліжэйшы час.
Да канца года на латвійска-беларускай мяжы працягвае дзейнічаць рэжым узмоцненай аховы, уведзены ў сувязі з павышаным ціскам нелегальнай міграцыі.
МУС Латвіі прапануе цалкам закрыць адзіны пункт пропуску на мяжы з Беларуссю
МЗС пракаментавала закрыццё Латвіяй мяжы з Беларуссю
Латвія прапусціла аўтамабілі з нейтральнай паласы, але лёс мяжы з Беларуссю пакуль нявызначаны
Латвійскі пункт пропуску «Патэрніекі» на мяжы з Беларуссю застаецца закрытым
Латвія «па тэхнічных прычынах» закрыла мяжу з Беларуссю
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі19
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары