Украіна ўпершыню нанесла ўдар па складзе прадуктаў адной з найбуйнейшых у Расіі сетак супермаркетаў
УСУ паказалі, што гатовыя люстэркава адказваць на расійскія ўдары па складах з прадуктамі.
У аўторак беспілотнікі ўпершыню атакавалі размеркавальны цэнтр «Ленты» — адной з найбуйнейшых у краіне сетак супермаркетаў, якая налічвае больш за 7 тысяч магазінаў і знаходзіцца пад кантролем «Севергруп» мільярдэра Аляксея Мардашова.
«Падзенне беспілотнікаў» адбылося на тэрыторыі хаба «Ленты» ў Ленінградскай вобласці каля 5‑й раніцы, паведамілі «Фантанцы» ў кампаніі. У выніку на аб'екце ўзнік пажар, які тушылі каля чатырох гадзін, а адзін з супрацоўнікаў кампаніі атрымаў апёкі.
«Размеркавальны цэнтр часова спыніў прыём тавараў ад пастаўшчыкоў», — паведамілі ў «Ленце», запэўніўшы, што ў магазінах сеткі «сфарміраваны дастатковы запас тавараў для задавальнення штодзённага попыту».
Пасля атак беспілотнікаў на Wildberries, у выніку якіх найбуйнейшы маркетплэйс Расіі, як сцвярджаецца, страціў амаль 20% сваіх складскіх магутнасцяў і тавары на суму каля 300 мільярдаў рублёў, у расійскіх прадуктовых сетак узніклі асцярогі, што яны могуць стаць наступнай мэтай украінскай кампаніі, піша Moscow Times.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў30
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1515
Каментары