У Персідскім заліве з пачатку канфлікту на Блізкім Усходзе захраслі 400 суднаў і каля 6000 маракоў
Праз шэсць месяцаў пасля пачатку канфлікту на Блізкім Усходзе сітуацыя ў Армузскім праліве застаецца нявызначанай. Каля 400 суднаў і прыкладна 6000 маракоў па-ранейшаму не могуць бяспечна пакінуць Персідскі заліў. Пра гэта заявіў генеральны сакратар Міжнароднай марской арганізацыі ААН (IMO) Арсеніа Дамінгес.
Паводле слоў міжнароднага чыноўніка, тысячы маракоў у рэгіёне працягваюць працаваць ва ўмовах павышанай небяспекі. Некаторым суднам разам з экіпажамі ўжо ўдалося выйсці з заліва, аднак каля 400 суднаў з пачатку канфлікту так і не змаглі бяспечна прайсці праз Армузскі праліў.
Арсеніа Дамінгес падкрэсліў, што крызіс мае як кароткатэрміновыя, так і доўгатэрміновыя наступствы. Перабоі ў жыццёва важных пастаўках паліва, угнаенняў і іншых тавараў уплываюць не толькі на краіны рэгіёна, але і на эканомікі ды насельніцтва ва ўсім свеце.
У ліпені Рада IMO прыняла рэзалюцыю аб абароне важных марскіх шляхоў. У ёй пацверджана, што права на транзітны праход праз міжнародныя пралівы не павінна абмяжоўвацца, парушацца або прыпыняцца.
Кіраўнік IMO заклікаў дзяржавы і прадстаўнікоў суднаходнай галіны разам з ААН шукаць практычныя рашэнні, якія дазволяць аднавіць свабоду суднаходства праз Армузскі праліў. Ён таксама адзначыў, што пагаршэнне бяспекі на марскіх маршрутах — ад Чорнага і Чырвонага мораў да Адэнскага заліва — стварае праблемы для ўсяго свету і асабліва моцна закранае тысячы маракоў, якія не маюць да канфлікту дачынення.
У канцы чэрвеня IMO прыпыніла аперацыю па суправаджэнні суднаў праз Армузскі праліў пасля паведамлення пра напад на адно з суднаў.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары