Аляксандр Лукашэнка 29 жніўня сустрэўся з прэзідэнтам Расіі Уладзімірам Пуціным у рэзідэнцыі апошняга ў Нова-Агарове. Бакі, як афіцыйна паведамляецца, абмеркавалі беларуска-расійскія гандлёва-эканамічныя сувязі, электроніку і далейшае двухбаковае супрацоўніцтва.
Лукашэнка заявіў, што напярэдадні падчас сустрэчы з расійскім прэм’ер-міністрам Міхаілам Мішусціным бакі дэталёва разгледзелі асноўныя пытанні ўзаемадзеяння. Па яго словах, Беларусь выконвае ўсе дасягнутыя дамоўленасці ў сферах сельскай гаспадаркі, харчавання, паліва і іншых напрамках.
Палітык адзначыў, што міжнародная сітуацыя падштурхоўвае Мінск і Маскву больш актыўна абмяркоўваць агульныя праблемы. Ён падкрэсліў, што краіны маюць намер разам пераадольваць цяжкасці, што ўзнікаюць. Паводле слоў Лукашэнкі, цяперашняя сустрэча павінна была стаць перадусім падвядзеннем вынікаў, а не прыняццем новых рашэнняў.
Асобна Лукашэнка спыніўся на росце тавараабароту паміж Беларуссю і Расіяй. Ён заявіў, што сёлета гэты паказчык значна перавысіць леташні ўзровень. Пры гэтым усё большую частку ўзаемнага гандлю займаюць сучасная электроніка і іншыя высокатэхналагічныя тавары. Лукашэнка запэўніў, што Беларусь разам з Расіяй стварае неабходную вытворчую базу і разлічвае ў будучыні выйсці на яшчэ больш высокі ўзровень.
Уладзімір Пуцін таксама ацаніў развіццё гандлёва-эканамічных адносін як паспяховае. Паводле яго слоў, нягледзячы на спробы знешняга ўплыву на працэс, тавараабарот дзвюх краін летась склаў амаль 52 мільярды даляраў. За першыя шэсць месяцаў 2026 года ён вырас яшчэ на 12,5%.
Расійскі прэзідэнт таксама паведаміў, што аб’ём прамых расійскіх інвестыцый у беларускую эканоміку дасягае 4,5 мільярдаў даляраў. У Беларусі працуе каля 2,5 тысяч прадпрыемстваў з расійскім капіталам.
Лукашэнка заявіў, што ў яго на поўдні і ў Расіі на захадзе ёсць супольная праблема
Лукашэнка паляцеў у Расію да Пуціна
«Некаторыя так — хі-хі, ха-ха — успрынялі». Лукашэнка расказаў пра нечаканыя вынікі накіравання нядбайных сельгасработнікаў у армію
У Палац Незалежнасці ў дзень адпачынку Лукашэнкі запрасілі 140 бізнэсменаў. Іх прымаў Турчын
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць15
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5959
Каментары