«Белавія» купіла тры «Боінгі». Яны прыляцелі з самай малой краіны Афрыкі
Сёлета «Белавія» набыла тры новыя сярэднемагістральныя самалёты Boeing 737-800.
Для авіякампаніі гэтыя самалёты не новыя: у айчынным авіяпарку і раней было некалькі паветраных суднаў такога тыпу, якія выконваюць рэйсы на блізкія і сярэднія адлегласці, піша Times.by.
«Пашырэнне авіяпарка дазваляе павялічыць перавозачныя магчымасці авіякампаніі, яшчэ больш дынамічна развіваць маршрутную сетку, забяспечваць дадатковую гнуткасць пры фарміраванні раскладу», — адзначыў генеральны дырэктар «Белавія» Ігар Чаргінец.
Усе гэтыя самалёты ўжо ўведзены ў эксплуатацыю, іх укараненне ў вытворчы працэс адбывалася паэтапна. Цяпер паветраныя судны выкарыстоўваюцца на найбольш запатрабаваных рэгулярных і чартарных маршрутах.
Упершыню спотары звярнулі ўвагу на магчымае папаўненне авіяпарка «Белавія» на пачатку гэтага лета. Авіяцыйныя рэсурсы паведамлялі, што самалёты прыбылі ў Мінск з Гамбіі і маюць узрост 12—13 гадоў.
Для Boeing 737‑800 такі ўзрост лічыцца цалкам працоўным: падобныя лайнеры актыўна эксплуатуюцца авіякампаніямі па ўсім свеце.
Цяпер чытаюць
Каля плошчы Бангалор у Мінску вырас яшчэ адзін звышсакрэтны аб’ект13
Каля плошчы Бангалор у Мінску вырас яшчэ адзін звышсакрэтны аб’ект
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары