Žychara Smalenska pakarali za kamientary pra nieabchodnaść dałučeńnia horada da Biełarusi
35‑hadovy Dźmitryj pisaŭ «Ukantakcie» pra toje, što treba vyzvalać Smalensk.
Žychar Smalenska Dźmitryj Tuzaŭ pieryjadyčna dzialiŭsia svaim mierkavańniem u supołcy «Padsłuchana Smalensk» «UKantakcie». Pretenzii ŭ rasijskich siłavikoŭ uźnikli da troch jaho kamientaroŭ.
U adnym ź ich, jak śćviardžaje ekśpiertyza, Dźmitryj stanoŭča aceńvaŭ vychad Smalenska sa składu Rasii i ŭvachodžańnie ŭ skład Biełarusi, «śćviardžajučy nieabchodnaść takoha stanovišča spraŭ». U druhim kamientary havaryłasia pra vyzvaleńnie Smalenska, u vyniku jakoha horad pierastaŭ by znachodzicca ŭ składzie Rasii. Jašče adzin kamientar sud paličyŭ vykazvańniem «hvałtoŭnaha, varožaha charaktaru» ŭ dačynieńni da supracoŭnikaŭ FSB i Uładzimira Pucina.
U sudzie Tuzaŭ pryznaŭ vinu i raskajaŭsia. Jon patłumačyŭ, što namier pisać takija kamientary ŭ jaho ŭźnik z pačatkam poŭnamaštabnaha ŭvarvańnia Rasii va Ukrainu (u pastanovie jano nazvanaje «śpiecyjalnaj vajennaj apieracyjaj») i što rabiŭ jon heta dziela reakcyi karystalnikaŭ.
Leninski rajonny sud Smalenska pryznaŭ Tuzava vinavatym u «publičnych zaklikax da parušeńnia terytaryjalnaj cełasnaści Rasii» (č. 2 art. 20.3.2 KaAP RF) i aštrafavaŭ jaho prykładna na $775. Heta minimalny štraf, praduhledžany sankcyjaj artykuła.
Pry hetym u pastanovie adznačajecca, što za tyja ž publikacyi suprać Tuzava zaviedzienaja i kryminalnaja sprava — pra publičnyja zakliki da terarystyčnaj dziejnaści.
Ciapier čytajuć
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki37
Statkievič: Kali znoŭ pačnucca masavyja pratesty, jany ŭžo nie buduć takimi mirnymi, jak u 2020‑m. A ES pravilna pierastaŭ vieryć kazkam Łukašenki
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje10
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru22
Kamientary