Stvareńnie novaj VNU stała temaj narady ŭ Łukašenki, što prajšła siońnia, 4 žniŭnia, piša BiełTA.
Łukašenka zajaviŭ pra stvareńnie pryncypova novaha adukacyjnaha asiarodździa — hnutkaha, miždyscyplinarnaha, aryjentavanaha na vynik i patreby krainy.
«Nielha dapuścić, kab hety centr, Akademija ci ŭniviersitet, staŭ zvyčajnaj VNU i prosta pastaŭščykom dypłomaŭ. Tut pavinny rychtavać śpiecyjalistaŭ, zdolnych stvarać ułasnyja rašeńni ŭ najbolš pierśpiektyŭnych halinach. Jak ciapier modna kazać, u śfiery štučnaha intelektu, novych materyjałaŭ, ličbavaj pramysłovaści, kvantavych technałohij», — adznačyŭ jon.
Jak raskazaŭ ministr adukacyi Andrej Ivaniec, realizacyja ekśpierymientalnych prahram Akademii ŭ poŭnaj miery budzie mahčymaj tolki pry adbory matyvavanych i adoranych ludziej. Na dumku śpiecyjalistaŭ, pry masavym nabory hetyja ekśpierymientalnyja prahramy nie daduć naležnaha efiektu.
«Treba adkryć dźviery dla vypusknikoŭ kaledžaŭ, dla tych junakoŭ i dziaŭčat, jakija ŭžo siońnia vučacca ŭ VNU, prajavili siabie i chočuć pieravieścisia ŭ hety novy adukacyjny centr. U prajekcie ŭkaza praduhledžana i takaja trajektoryja», — padkreśliŭ ministr adukacyi.
Jon rastłumačyŭ, što studentam, jakija zachočuć pastupić u centr, nieabchodna budzie prajści sumoŭje i zdać unutrany ekzamien.
«Pieramožcaŭ mižnarodnych i respublikanskich alimpijad my pavinny zabirać sa školnaj łaŭki, kab nie dapuścić straty času, kali jany mohuć zasumniavacca: vybrać ajčynnuju ŭstanovu adukacyi abo źjechać u inšuju VNU», — dadaŭ Andrej Ivaniec.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Što jany navohuł viedajuć pra hetyja technałohii kali anhielskaj movaj nie vałodajuć i sučasnych daśledvańniaŭ nie čytali. Dyplom namalujuć i adpraviać śviežanamalovanych 'śpiecyjalistaŭ' na abaviazkovuju adpracoŭku za 200 BYN , darečy kudy? Ci nie ŭ Ahraharadziec myć karoŭ?