Pracy pa źmienie raki pačali ŭ červieni i skončyli 15 žniŭnia, paviedamiŭ navukovy adździeł Nacyjanalnaha parku «Biełaviežskaja pušča». Infarmacyju pra heta zaŭvažyŭ telehram-kanał «De Facto. Biełaruskaja navuka».
Raku Naraŭka ŭ Biełaviežskaj puščy viarnuli ŭ rečyšča XIX stahodździa, kab vyrašyć adnu prablemu.
Reč u tym, što ŭ kancy XIX stahodździa rečyšča raki źmianili pad patreby lesanarychtoŭščykaŭ — Naraŭka stała nahadvać pramy kanał.
Tak pa joj možna było spłaŭlać tavarnuju draŭninu da Bałtyjskaha mora: chvoja ź Biełaviežskaj puščy ličyłasia adnoj ź lepšych dla sudnabudavańnia dziakujučy spałučeńniu vyšyni, pramizny, tryvałaści i lohkaści.
U vyniku hetaha rašeńnia, a taksama mielijaracyi na prylehłaj terytoryi, uzrovień vady źniziŭsia na 1,5 mietra, ekasistema parušyłasia, źnikli zvykłyja ŭmovy dla redkich ptušak i žyvioł, usychaŭ reliktavy les.
Ideja adnaŭleńnia rečyšča raki Naraŭka ŭźnikła bolš za 10 hadoŭ tamu. Adnak tady, pavodle papiarednich acenak, mierapryjemstva aceńvałasia zanadta doraha. U toj pieryjad ad hetaj idei admovilisia, ale nie zabylisia.
U płan kiravańnia Nacyjanalnym parkam na 2021-2030 hadoŭ było ŭklučana mierapryjemstva pa adnaŭleńni parušanych rek Biełaviežskaj puščy.
Abhruntavańnie dla viartańnia raki ŭ staroje rečyšča padrychtavali navukoŭcy z Nacparka «Biełaviežskaja pušča» i Instytuta ekśpierymientalnaj bataniki. Daŭžynia raki Naraŭka ŭ Biełarusi i Polščy składaje 61 km, na terytoryi našaj krainy — 21,7 km.
-
U Niaśvižy vystaŭlajucca tvory biełaruskich majstroŭ, vyviezienych u Maskvu. Toje, što jany ŭmieli, ruskim majstram tady i nie śniłasia
-
Biełaruskamoŭnyja pieśni Jarasłava Jeŭdakimava, jakomu pry Łukašenku zabaranili vystupać — padborka
-
Na rekanstrukcyi Čyrvonaha kaścioła budaŭniki źbiralisia vykinuć pakinutyja tam ikony i knihi
Ciapier čytajuć
«Ja pieršamajskaje bydła i limita, bazaru nul. Ale blizki da centra pryniaćcia rašeńniaŭ». Što Tur piša pad psieŭdanimam u «ekstremisckim» čacie10
Kamientary