U Polščy katastrofa: nie viedajuć, kudy padzieć bulbu. Ceny ŭpali da śmiešnaha
Lišak bulby jość i ŭ Hiermanii.
Na polskich składach lažyć udvaja bolš bulby, čym hod tamu. Uradžaj pieravysiŭ 7 młn ton, i pry hetym impart nie spyniŭsia. U vyniku ceny rezka ŭpali — z 80 hrošaŭ za kh da 20 hrošaŭ (u pieraliku na biełaruskija heta z 63 da 16 kapiejek), piša Onet.
Na dumku fiermieraŭ, pryčynaj hetaj situacyi, aproč niečakanaha ŭradžaju, źjaŭlajecca taksama kankurencyja zamiežnych vytvorcaŭ, pakolki prablema zakranaje nie tolki Polšču. Pavodle acenak, lišak bulby ŭ ES ciapier pieravyšaje 3,3 młn ton. Adnačasova padzieńnie ekspartu i nasyčeńnie rynku pryviali da padzieńnia cen.
Na situacyju ŭ Polščy ŭpłyvaje taksama Hiermanija, dzie lišak bulby taksama značny.
Vytvorcy bulby kažuć, što prablemu paharšaje abmiežavanaja infrastruktura składoŭ. Adsutnaść mahčymaści doŭhaterminovaha zachoŭvańnia vymušaje chutka raspradavać liški, časta pa cenach nižej za sabiekošt vytvorčaści.
Ministerstva sielskaj haspadarki Polščy ciapier šukaje varyjanty, jak dapamahčy fiermieram, dzie jašče možna prymianić bulbu, a pakupnikoŭ zaklikajuć kuplać svajo. U kramach uviali navat novyja katehoryi bulby, kab pradavać bolš drobnuju.
Ciapier čytajuć
U Francyi ad śpioki zahinuŭ dalnabojščyk z Dokšycaŭ8
Kamientary