Працы па змене ракі пачалі ў чэрвені і скончылі 15 жніўня, паведаміў навуковы аддзел Нацыянальнага парку «Белавежская пушча». Інфармацыю пра гэта заўважыў тэлеграм-канал «De Facto. Беларуская навука».
Раку Нараўка ў Белавежскай пушчы вярнулі ў рэчышча XIX стагоддзя, каб вырашыць адну праблему.
Рэч у тым, што ў канцы XIX стагоддзя рэчышча ракі змянілі пад патрэбы лесанарыхтоўшчыкаў — Нараўка стала нагадваць прамы канал.
Так па ёй можна было сплаўляць таварную драўніну да Балтыйскага мора: хвоя з Белавежскай пушчы лічылася адной з лепшых для суднабудавання дзякуючы спалучэнню вышыні, прамізны, трываласці і лёгкасці.
У выніку гэтага рашэння, а таксама меліярацыі на прылеглай тэрыторыі, узровень вады знізіўся на 1,5 метра, экасістэма парушылася, зніклі звыклыя ўмовы для рэдкіх птушак і жывёл, усыхаў рэліктавы лес.
Ідэя аднаўлення рэчышча ракі Нараўка ўзнікла больш за 10 гадоў таму. Аднак тады, паводле папярэдніх ацэнак, мерапрыемства ацэньвалася занадта дорага. У той перыяд ад гэтай ідэі адмовіліся, але не забыліся.
У план кіравання Нацыянальным паркам на 2021-2030 гадоў было ўключана мерапрыемства па аднаўленні парушаных рэк Белавежскай пушчы.
Абгрунтаванне для вяртання ракі ў старое рэчышча падрыхтавалі навукоўцы з Нацпарка «Белавежская пушча» і Інстытута эксперыментальнай батанікі. Даўжыня ракі Нараўка ў Беларусі і Польшчы складае 61 км, на тэрыторыі нашай краіны — 21,7 км.
-
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку
-
У Вільні завяршаецца рэстаўрацыя Вострай брамы. Знакамітая «Пагоня» на фасадзе кардынальна змяніла колер
-
Выйшаў пераклад рамана Рэмарка «У неба няма ўлюбёнцаў»
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку43
Каментары