Кацярына Ваданосава ахвяруе 10 тысяч еўра для беларускіх палітвязняў
Гэта грошы, якія ў яе засталіся пасля збору на лячэнне маці.
Кацярына збірала грошы праз «Байсол» на лячэнне маці. Але цуду, на жаль, не адбылося. Сабраныя грошы пайшлі на аплату пахавання і ўшанавання памяці. У сваім зборы Кацярына дэкларавала, што калі не ўсе сродкі будуць выкарыстаныя, то яна ахвяруе іх на іншыя зборы на «Байсол».
З сабранай сумы засталося 10 тысяч еўра, гэтыя сродкі Кацярына пералічвае на экстраны збор для вызваленых 19 сакавіка палітвязняў. З тэхнічных прычынаў ахвяраванне адбываецца ў некалькі пералікаў, «Байсол» ужо атрымаў большую частку з гэтай сумы на экстраны збор, паведаміў фонд у сваіх сацсетках
Перад Калядамі 23 снежня мама Кацярыны Нэлі Ваданосава перанесла цяжкі інсульт і трапіла ў бальніцу. Жанчыну паралізавала, яна не прыходзіла ў прытомнасць. Дактары аператыўна прыехалі, адвезлі ў шпіталь, правялі аперацыю. «Палова яе мозгу залітая крывёй. Гэта незваротна», — апісвала сітуацыю Кацярына.
У гэты час высветлілася, што Упраўленне па справах іншаземцаў не ўнесла пажылую жанчыну ў базу застрахаваных. Кацярына тады выказала асцярогу, што рахунак за аперацыю і іншыя медыцынскія маніпуляцыі можа скласці ад дзясяткаў да сотняў тысяч злотых. Пасля гэтага хутка быў сабраны дабрачынны збор на «Байсоле» на €15 000.
1 студзеня стала вядома, што мама памерла.
Прапаганда рыхтуе грамадства да загадкавай «працяглай камандзіроўкі» Лукашэнкі39
Каментары