Жыхар Жлобіна, які меў вялікія даўгі, спрабаваў схавацца ад судовых выканаўцаў у лесе, паведаміла Галоўнае ўпраўленне юстыцыі Гомельскага аблвыканкама.
Пасля атрымання спадчыны ад маці мужчыну дастаўся не толькі дом, але і крэдытныя абавязкі. Аднак ён не спяшаўся іх выплачваць і нават назапасіў новыя даўгі за камунальныя паслугі і сувязь.
У выніку супраць жлобінца было распачата некалькі выканаўчых спраў на суму больш за дзве тысячы рублёў. Але калі выканаўцы пачалі яго шукаць, то мужчына знік. Ад мясцовых жыхароў удалося даведацца, што ён жыве ў лесе.
Аказалася, што мужчына зрабіў там шалаш і абсталяваў яго для доўгага знаходжання: там былі месцы для сядзення, рэчы і вогнішча для абагрэву.
Пасля выяўлення хованкі чалавек патлумачыў, што сам ён жыве за кошт выпадковых падпрацовак, якіх хапае толькі на штодзённыя патрэбы, але не на выплату даўгоў. Таму і вырашыў хавацца.
Пасля размовы з судовымі выканаўцамі мужчына паабяцаў, што ўсё ж такі выплаціць свае запазычанасці.
Цяпер чытаюць
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць1
У Магілёве на доме, які аддалі пад расійскае пасольства, замалявалі мурал з «Пагоняй». Хоць экспертыза забараняла гэта рабіць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку5757
Каментары
Ну вось, беларус беларусу - беларус, як кажуць. Узялі і здалі чалавека міліцаям. Іншыя знайшлі ў хляву зброю і таксама самі здалі міліцаям, не каб хоць абгарнуць у анучу, масла ды закапаць да добрых часоў - раптоўна ўпаўшы кавалачак улады аддалі добраахвотна ворагу... Вось і думай потым - а ці патрэбна ўвогуле такому народу воля. Мабыць дарэмна Лука скардзіўся на "народзец", мо такі народзец - гэта самае тое для Лукі і Лука - самае тое для такога народца... а тое што раз на 5-10 гадоў трошачкі пачынае прабівацца розум - гэта не бяда, можна хутка забіць назад тэлевізарам, гумовымі дубцамі і расейскаю папсою.